دە لا حويا: «كانەلو» گولوۆكيندى نوكاۋتقا تۇسىرەدى

استانا. قازاقپارات - مەكسيكالىق بوكسشى ساۋل الۆارەستىڭ پروموۋتەرى وسكار دە لا حويا قازاقستاندىق گەننادي گولوۆكينمەن وتەتىن الداعى رەماچتقا قاتىستى پىكىر ءبىلدىردى، دەپ حابارلايدى Sports.kz.

«كانەلو» ونى نوكاۋتقا ءتۇسىرۋ ءۇشىن رينگكە شىعادى. ول GGG ءدى بىردەن نوكاۋتقا جىبەرەدى. العاشقى جەكپە-جەكتەن كەيىن گولوۆكيننىڭ كومانداسى كوپ نارسە ايتقان ەدى... «كانەلو» ماعان گولوۆكيندى قاتتى سوققىعا جىعىپ، نوكاۋتقا ءتۇسىرۋ ءۇشىن بارىن سالاتىنىن ايتتى. ول قارسىلاسىنا قاتىستى مۇنداي سوزدەردى العاش رەت ايتىپ وتىر. مەن نوكاۋتتىڭ بولارىنا سەنىمدىمىن. ءبىز شەشىمدى ەمەس، نوكاۋتتى تاماشالاعىمىز كەلەدى! «كانەلو» قارسىلاسىنا بار كۇشىن كورسەتىپ، قىسپاققا الادى!»، - دەپ ۋادە بەردى دە لا حويا.

«كانەلو» - GGG قارىمتا كەزدەسۋى 15- قىركۇيەكتە لاس-ۆەگاستەگى «T-Mobile»  ارەناسىندا وتەدى.