03:17, 28 - تامىز 2018 | GMT +5
قازاقستاندىق باي ازامات پاريجدەگى اتىشۋلى پاتەرىن ەكى ەسە باعاعا ساتپاق
استانا. قازاقپارات - 65 ميلليون ەۋروعا پاريجدەن پاتەر ساتىپ العان قازاقستاندىق ازامات ونى ساتۋعا بەل بايلادى.
بۇل تۋرالى بەلگيالىق ريەلتور يگناسا ميۋۆيسسەنا ايتتى، دەپ حابارلايدى Sputnik.
SPA- ايماعى مەن برونداۋعا بولاتىن بولمەلەرى بار پاتەر 125 ميلليون ەۋروعا باعالاندى. بۇل ونىڭ ساتىپ العان باعاسىنان ەكى ەسەگە قىمبات.
ريەلتوردىڭ ايتۋىنشا، كليەنت قىمبات ءۇيدى ايەلىنە ۇناماعانىنا بايلانىستى ساتپاق.
فرانسيادا قازاقستان ازاماتتارى ساتىپ الا الاتىن 60 جىلجىمايتىن مۇلىك بار.
بۇعان دەيىن قازاقستاندىق ازاماتتىڭ پاريجدەن 65 ميلليون ەۋروعا ءۇي العانى تۋرالى اقپارات تاراعان ەدى. كەيىن پاتەر الۋشىنىڭ ءۇيدىڭ اقىسىن كومپانيا اتىنان تولەگەنى، كومپانيانىڭ سالىق قارىزدارى جوق بولىپ شىققانى انىقتالدى. ريەلتور قازاقستاندىق وليگارح پاريجدەن ساتىپ العان 65 ميلليون ەۋرونىڭ ءۇيىن كورسەتكەن ەدى.
