الەمنىڭ ۇزدىك ساداقشىلارى استانادا باس قوسادى

استانا. قازاقپارات - قۇرالايدى كوزگە اتقان الەمنىڭ ۇزدىك ساداقشىلارى تامىزدىڭ سوڭىندا استانادا وتەتىن «التىن جەبە» تۋرنيرىندە ءوزارا باق سىناسپاق، دەپ حابارلايدى قازاقپارات ءتىلشىسى.

ايتۋلى سايىس 2018 -جىلدىڭ 30-31 - تامىزىندا ەلورداداعى «قازانات» اتشابارىندا وتكىزىلەدى. ات ۇستىندە ساداق اتۋدان وتەتىن «التىن جەبە» حالىقارالىق تۋرنيرى وسىمەن ەكىنشى رەت وتكىزىلگەلى وتىر.

الەمنىڭ ساڭلاق مەرگەندەرى باق سىنايتىن سايىستا قازاقستاننىڭ تاڭداۋلى 7 ساداقشىسى ەل نامىسىن قورعايدى.

تۋرنيرگە گەرمانيا، ماجارستان، وڭتۇستىك افريكا، وڭتۇستىك كورەيا، بولگاريا، رۋمىنيا، رەسەي، موڭعوليا، قىرعىزستان ەلدەرىنىڭ بەلگىلى ساداقشىلارى كەلە جاتىر.

اۆتور: ايان بەكەن ۇلى