12:47, 27 - تامىز 2018 | GMT +5
قازاقستاندا جازدىڭ سوڭعى كۇندەرى جاڭبىرلى بولادى
استانا. قازاقپارات - سينوپتيكتەر 28-30- تامىز كۇندەرىنىڭ اۋا رايىنا بولجام جاسادى، دەپ حابارلايدى قازاقپارات.
«قازاقستان اسپانىندا تۇرعان بيىك تسيكلون الداعى ءۇش كۇندە رەسپۋبليكا اۋماعىنىڭ باسىم بولىگىندە جاڭبىر جاۋۋىنا سەبەپشى بولادى. سولتۇستىك جانە ورتالىق وبلىستاردا كۇزگە ءتان سالقىن اۋا رايى ساقتالىپ، اۋا تەمپەراتۋراسى كليماتتىق نورمادان С2-3° تومەن بولادى. سونداي-اق، ەلدىڭ وڭتۇستىگى مەن وڭتۇستىك- شىعىسىندا دا سالقىن اۋا اعىنىنا بايلانىستى اۋا تەمپەراتۋراسى كليماتتىق نورمادان С1-3° تومەن بولادى»، - دەلىنگەن «قازگيدرومەتتىڭ» حابارلاماسىندا.
تەك قازاقستاننىڭ باتىسىندا عانا جەر بەتىنە جاقىن انتيتسيكلون جانە كىشى ازيادان ىستىق اۋا اعىندارىن اكەلەتىن وڭتۇستىك-باتىس تروپوسفەرا اعىندارىنىڭ ىقپالىنان كۇن جاۋىن-شاشىنسىز بولىپ، اۋا تەمپەراتۋراسى С28...35، ءتىپتى كەي جەرلەردە С 40 قا دەيىن جەتەدى.
