عالىمدار: قىمبات اۆتوكولىكتەر قاتەرلى ىسىككە شالدىقتىرۋى مۇمكىن

استانا. قازاقپارات - ماماندار قانداي اۆتوبوميلدەردىڭ قاتەرلى ىسىكتىڭ دامۋىنا سەبەپشى بولۋى مۇمكىن ەكەندىگىن انىقتادى.

مۇقيات جۇرگىزىلگەن زەرتتەۋلەردىڭ ارقاسىندا ماماندار كولىكتەردىڭ ساپاسىز ماتەريالدان جاسالعان الدىڭعى تەرەزەسى ۇلكەن مولشەردە ۋلتراكۇلگىن ساۋلەلەردى وتكىزۋى مۇمكىن، ال بۇل ءوز كەزەگىندە ونكولوگيالىق اۋرۋلاردى تۋدىرۋ قاۋپىن ارتتىرادى دەگەن قورىتىندىعا كەلدى.

الدىڭعى تەرەزەلەرى ساراپشىلاردىڭ تەكسەرۋىنەن وتپەي قالعان كولىكتەردىڭ ءتىزىمى جاسالدى، وكىنىشكە وراي بۇل تىزىمدە ليۋكس سىنىبىنداعى اۆتوكولىكتەر دە بار.

قاۋىپتى اۆتوكولىكتەر تىزىمىندە Mercedes-Benz برەندى ءبىرىنشى ورىندا تۇر. ينجەنەرلەر ەڭ ارزان قورعانىس قاباتىن ورناتاتىن BMW ماركاسى ەكىنشى ورىنعا جايعاستى. سەبەبى ونىڭ تەرەزەلەرى كولىك سالونىنا ۋلتراكۇلگىن ساۋلەنىڭ ءتۇسۋىن تەك %60 عا عانا قورعاي الادى ەكەن. بۇل كورسەتكىش Audi ماركالى كولىكتەردە شامالى جوعارى مانگە يە - %64.

Lexus برەندىنىڭ كولىكتەرى جاقسى ناتيجەلەر كورسەتتى، بۇل ماركانىڭ يەلەرى %96 عا قورعانىسپەن قامتاماسىز ەتىلگەن.

 

دەرەككوزى: car. ru