الماتىدا تۇرعان اۋعان قىزى: قازاقستان - جەر بەتىندەگى جۇماق
«مەنىڭ جاسىم جيىرما ۇشتە. اتا- انام اۋعانستاننان 1993-1994 -جىلدارى كوشىپ كەلگەن. وسى جەردە تۋىلدىم، ءوستىم. كۇندەلىكتى ومىرىمدە ادامدارمەن ارالاسقاندا قاشقىن ەكەنىمدى بايقامايمىن. ءبىراق ءبىلىم نەمەسە جۇمىس سىندى رەسمي شارۋالارعا كەلگەندە قىسىلامىن. مەنىڭ رەسمي مارتەبەم - قاشقىن. حالىقارالىق زاڭدار بويىنشا، ەگەر ادام ەل اۋماعىندا بەس جىل ءومىر سۇرسە، ازاماتتىققا ۇمىتتەنە الادى. ءبىراق اۋعانستان، سيريا، يراك سىندى ەلدەردەن كەلگەن ادامدارعا ازاماتتىقتى كۇتۋدىڭ كەرەگى جوق سياقتى. قازاقستاننىڭ ءوز زاڭى بار »، - دەيدى مادينا.
«مەن مەكتەپتە وقىعانىمدا، ەكى ديرەكتور اۋىسقان سوڭ، ءۇشىنشىسى كەلدى. ماعان ۇلتىم ءۇشىن قىسىم كورسەتتى. ۇنەمى مەكتەپتەن شىعۋدى ايتىپ، بۇل جەردە ءبىلىم الۋعا قۇقىعىم جوق ەكەنىن ءسوز ەتەتىن. قاشقىندارعا ارنالعان ميگراتسيالىق پوليتسيادا جۇمىس ىستەيتىن گۇلزادا ەسىمدى ايەل مەن سياقتىلاردى ۇنەمى قورعاپ جۇرەتىن. جاڭا ۇرپاق قىسىمدى سەزبەيتىن بولار دەپ ۇمىتتەنەمىن. قازىر ادامدار اقىرىنداپ ۇيرەنىپ كەلەدى. ءبىزدى تانىعاندا جەڭىلدەپ قالامىز »، - دەيدى ارۋ.
مادينانىڭ اتا- اناسى كەزىندە اۋعانستاندا سوعىس باستالعاندا قايدا بارارىن بىلمەگەن. ول ءسىڭلىسىن، نەمەرە ءىنىسىن، ايەلىن الىپ ەلدەن شىعىپ كەتكەن. ءسويتىپ قازاقستانعا كەلگەن. مادينانىڭ ەۋروپادا تۇراتىن تۋىسقاندارىنا ازاماتتىقتى 5 جىلدىڭ ىشىندە بەرگەن.
مادينا ءالى كۇنگە دەيىن ازاماتتىقتى الماسا دا، ەلدەن كەتۋدى جوسپارلامايدى. ونىڭ سوزىنشە، قازاقستاندىقتار وعان اۋعان قىزى نەمەسە قاشقىن دەپ دورەكىلىك تانىتپاعان. مادينانىڭ ويىنشا، قازاقستان - جەر بەتىندەگى جۇماق.
