اعزاڭىزعا نە جەتىسپەيتىنىن قالاي بىلۋگە بولادى؟

 استانا. قازاقپارات - ادام اعزاسىنا بەلگىلى ءبىر ميكروەلەمەنتتەر جەتىسپەيتىن ۋاقىت بولادى. كەي كۇندەرى اشى، كەي كۇندەرى ءتاتتى جەگىڭىز كەلسە، كەيدە ءتىپتى نە جەگىڭىز كەلىپ تۇرعانىن ءوزىڭىز دە بىلمەيسىز. مۇنداي جاعدايدا نە ىستەۋ كەرەك؟

الدىمەن اعزانىڭ قانداي تاعامدارعا تابەتى تارتاتىنىن ءبىلۋ كەرەك. سوعان ساي جەگىڭىز كەلگەن تاعامنىڭ قۇرامىن انىقتاعان دۇرىس. اعزاعا كالتسي جەتىسپەسە... ەگەر ءسىز مايلى تاعامعا قۇمار بولساڭىز، ول ءسىزدىڭ اعزاڭىزعا كالتسي جەتىسپەۋشىلىگىنەن تۋىنداعان بولۋى كەرەك. كالتسي -  ادامنىڭ سۇيەك جۇيەسىنىڭ نەگىزگى ەلەمەنتى. ول سۇيەكتىڭ ساۋلىعى مەن بەرىكتىگىن ساقتاۋدى قامتاماسىز ەتەدى. كالتسي ىرىمشىكتە، بارلىق ءسۇت ونىمدەرىندە، بۇرشاقتا، بروككوليدە مولىنان بار. قاتتى قۋىرىلعان ەت، كارتوپقا اۋەس بولساڭىز، اعزاعا قاراپايىم كومىرسۋلار جەتىسپەيتىنىن ءبىلىپ ءجۇرىڭىز. ونداي جاعدايدا، الما، المۇرت جانە ت. ب. جەمىستەر نەمەسە كوكونىستەر جەگەن دۇرىس. گازدالعان سۋسىندار ىشۋگە قۇمار بولساڭىز، ءسىزدىڭ اعزاڭىزعا كالتسي جەتىسپەيدى. ول ءۇشىن جوعارىدا ايتىپ كەتكەندەي، ءسۇت ونىمدەرىن، اسبۇرشاق، ىرىمشىك جەۋ كەرەك.

حلوريد پەن ماگنيدى قاجەت ەتسە... ال تۇزدى تاعامعا اۋەستەنگەن ادامداردىڭ اعزاسىنا حلوريد جەتىسپەۋى مۇمكىن. ادەتتە، بالىق نەمەسە تەڭىز تۇزى حلوريدتىڭ ورنىن تولتىرۋعا كومەكتەسەدى. ەگەر شوكولاد جەگىڭىز كەلە بەرسە، ءسىزدىڭ اعزاڭىزدا ماگني تاپشى بولۋى مۇمكىن. تاعام قۇرامىندا ماگني مولشەرى كالتسي مولشەرىنىڭ جارتىسىنا تەڭ كەلۋى قاجەت. ماگنيدىڭ ورنىن تولتىرۋ ءۇشىن قاراقۇمىق، تارى، بادانا، ساۋمالداقتان جاسالعان تاعامدار جەۋ كەرەك نەمەسە جاڭعاق شاققان ءجون.

 تيروزين اعزاعا قاجەت بولسا... كۇندىز- ءتۇنى تاماق جەگىڭىز كەلە بەرسە، شاماسى، ءسىزدىڭ اعزاڭىزعا تيروزين جەتىسپەيدى. تيروزين پەچەنەدە، ءتاتتى كارتوپتا جانە مەيىزدە بولادى. تيروزين -  فەنيلالانين امينقىشقىلىنان تۇزىلەتىن امينقىشقىلدىڭ قىسقارتىلعان اتى. تيروزين كوڭىل- كۇيدى جاقسارتۋعا، تابەتتى باسۋعا كومەكتەسەدى، ادامدى سترەسستى جاعدايدان سابىرلى كۇيگە تۇسىرەدى جانە قالقانشا بەزىنىڭ جۇمىسىن رەتتەيدى. اعزاڭىزعا تيروزين قاجەت بولسا، اپەلسين، ماندارين، گرەيپفرۋت، جاسىل نە قىزىل الما، اۆوكادو، جاسىل نەمەسە قىزىل بۇرىش، قيار جەڭىز. تىرشىلىك زاڭى اعزادا ۇنەمى زات الماسىپ تۇرۋىن تالاپ ەتەدى. ال اعزامىزعا حيميالىق ەلەمەنتتەر جەگەن اس پەن ىشكەن سۋىمىزدان تۇسەدى. ەگەر ۇزاق ۋاقىت بەلگىلى ءبىر تاعامعا تابەتىڭىز ارتسا، مىندەتتى تۇردە دارىگەرگە قارالىڭىز. 

Massaget.kz