اتىراۋ وبلىسىنا زىمىران بولىگى قۇلادى

اتىراۋ. قازاقپارات - اتىراۋ وبلىسىنا «نىسانا» زىمىرانىنىڭ ءبىر بولىگى قۇلادى. قولدانۋشىلارى زىمىراننىڭ سىنعان بولىگىنىڭ سۋرەتىن جەلىدە جاريالاعان، دەپ حابارلايدى قازاقپارات ءتىلشىسى ءوڭىردىڭ ت ج د- عا سىلتەمە جاساپ.

اتىراۋ وبلىسى ت ج د جەدەل كەزەكشىسى ءمالىم ەتكەندەي، «نىسانا» زىمىرانىنىڭ 7-8 مەترلىك ءبىر بولىگى 23- تامىزدان 24- تامىزعا قاراعان ءتۇنى قۇرمانعازى اۋدانىنا قاراستى قۇرمانعازى ەلدى مەكەنىنەن 20 شاقىرىم جەردە قۇلاعان.

«زىمىران بولىگى قۇلاعاننان كەيىن سول جەردىڭ قۇرعاق ءشوبى ورتەنە باستاعان. ت ج د قىزمەتكەرلەرى ونى اۋىزدىقتاپ ۇلگەردى. وقيعا سالدارىنان زارداپ شەككەندەر جوق. رادياتسيالىق اياسى نورماسىنان اسقان جوق»، - دەپ ءمالىم ەتتى ءوڭىردىڭ توتەنشە جاعدايلار دەپارتامەنتىنىڭ وكىلى.

وقيعا ورنىندا ارنايى جاساقتالعان كوميسسيا جۇمىس جاساپ جاتىر. ارنايى ماماندار زىمىراننىڭ بولىگى تابىلعان جەردى قورشاۋعا الدى.