قانات بوزىمبايەۆ: قازاق كۇرەسىن دامىتۋ ستراتەگياسىن قابىلدايمىز
بۇل تۋرالى اتالمىش قاۋىمداستىقتىڭ پرەزيدەنتى قانات بوزىمبايەۆ ايتىپ بەردى، دەپ حابارلايدى قازاقپارات ءتىلشىسى.
«بۇگىنگى تاڭدا قازاق كۇرەسى - فاناتتار مەن تاريح تاعىلىمىن جوعارى قوياتىن پاتريوتتاردىڭ قولداۋىمەن العا باسىپ كەلەدى. قازاق كۇرەسىنەن قانشاما جىلدان بەرى ءىرى سايىستار وتكىزىلىپ جاتقانىمەن، ناقتى دامىتۋ ستراتەگياسى جوق بولاتىن. فەدەراتسيانىڭ اتقارۋشى كوميتەتىنىڭ مۇشەلەرىمەن بىرگە ەرتەڭ ستراتەگيانىڭ جوسپارىن تالقىلاعالى وتىرمىز. الداعى بىرنەشە ايدا قازاق كۇرەسىن دامىتۋ ستراتەگياسىن قابىلدايمىز. بۇل رەتتە اسىرەسە كورەيا مەن جاپونيانىڭ تاجىريبەلەرىنە سۇيەنسەك دەپ وتىرمىز. ءبىزدىڭ فەدەراتسيا ءبىر جىلدىڭ ىشىندە 20 مۇشەنى قابىلداپ ۇلگەردى. تاعى ءۇش-ءتورت مەملەكەتكە كەزەك كەلگەلى تۇر. ءبىزدىڭ فەدەراتسيا گەومەتريالىق پروگرەسسيامەن وسەر دەگەن سەنىمدەمىز»، - دەدى قانات بوزىمبايەۆ و ك ق- دا وتكەن باسپا ءسوز ءماسليحاتىندا.
ەسكە سالا كەتسەك، بۇعان دەيىن 26- تامىزدا استانادا «داۋلەت» سپورت كەشەنىندە قازاق كۇرەسىنەن ازيا چەمپيوناتى وتەتىنىن حابارلاعان بولاتىنبىز. چەمپيوناتقا 11 مەملەكەتتەن 77 سپورتشى قاتىسپاق.
