ق ر سىرتقى ىستەر مينيسترلىگى جەمقورلىقپەن كۇرەس قىزمەتىنىڭ سىنىنا جاۋاپ بەردى

استانا. قازاقپارات -  ق ر سىرتقى ىستەر مينيسترلىگى جاۋاپتى حاتشىسى ەرمەك كوشەربايەۆ ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى تاراپىنان جاسالعان ەسكەرتپەگە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«ماۋسىم ايىنان باستاپ تالداۋ جۇرگىزىپ، سونىڭ ناتيجەسىندە ناقتى شارۋالار قولعا الىندى. بۇگىنگى كۇنى ءار بولىمشە باسشىسى وزىنە بەرىلگەن بولىمشەنىڭ بيۋدجەتىنە جاۋاپ بەرىپ، ءىس ۇعىنىقتى بولۋ ءۇشىن اشىقتىقتىڭ ساقتالۋىن قاداعالايدى. ماتەريالدىق- تەحنيكالىق قامتاماسىز ەتۋ دەپارتامەنتى،  ق ر سىرتقى ىستەر مينيسترلىگى ش ب (شارۋاشىلىق باسقارماسى - اۆت. ) سەكىلدى قوسالقى قۇرىلىمدار قازىرگى تاڭدا جۇمىسىن قابىلدانعان نورماتيۆتىك- قۇقىقتىق قۇجاتتارعا ساي بەيىمدەپ جاتىر. ءبىزدىڭ قىزمەتكەرلەر كوبىنەسە تالداۋ، ساياسي، اقپاراتتىق- انىقتامالىق جۇمىستارمەن اينالىسادى. بۇگىنگى كۇنى ءاربىر جەتەكشىگە ستراتەگيالىق جوسپاردى، ونىڭ ىشىندە بيۋدجەتتىڭ ورىندالۋىن ۇستانۋى كەرەكتىگىن بارىنشا جەتكىزۋگە تىرىسىپ جاتىرمىز»، - دەدى جاۋاپتى حاتشى بۇگىنگى وتىرىستا.

ونىڭ ايتۋىنشا، مينيسترلىكتىڭ شارۋاشىلىق باسقارماسىندا تەكسەرۋ ءجۇرىپ جاتىر.

«قازىر ءبىز ول بولىمشەنىڭ جۇمىسىن بارىنشا اشىق قىلۋعا تىرىسىپ جاتىرمىز. بۇل باعىتتا مينيسترلىكتە جۇمىس باستالىپ كەتتى. باستى قاعيداتتار - جاريالىلىق پەن اشىقتىقتى قامتاماسىز ەتۋ. قازىرگى تاڭدا  ق ر سىرتقى ىستەر مينيسترلىگى  ІТ- ساۋلەتىمەن جانە ديپلوماتيالىق قىزمەتتىڭ ءبىرىڭعاي اقپاراتتىق جۇيەسىن قۇرۋ باعىتىندا ەڭبەكتەنۋدە. اتالعان جۇمىس 2019 -جىلى اياقتالادى. بارلىق قاجەتتى پروتسەدۋرالاردان ءوتۋ كەرەك. ءبىزدىڭ قىزمەتكەرلەر بۇگىندە «زەردە» حولدينگىنىڭ وكىلدەرىمەن تىعىز جۇمىس جۇرگىزىپ جاتىر»، - دەپ ءتۇسىندىردى ول.

ەرمەك كوشەربايەۆ ءوز سوزىندە س ءى م ءدال قازىر 19 قىزمەتتى كورسەتىپ وتىرعانىن تىلگە تيەك ەتتى.

«كوپ جاعدايدا س ءى م حالىققا قىزمەت كورسەتۋ ورتالىقتارى سەكىلدى جۇمىس ىستەيدى. ءبىراق، اكىمشى رەتىندە جەكە ءوزى كورسەتەتىن س ءى م- دە مەملەكەتتىك قىزمەت تۇرلەرى بار. ءبىز قازىرگى تاڭدا قاعاز اينالىمىنان تولىعىمەن باس تارتا المايمىز، سەبەبى شەتەلدىڭ بارىندە قۇجاتتىڭ ەلەكتروندى نۇسقاسىن قابىلداي بەرمەيدى. وتكەن اپتادا كونسۋلدىق قىزمەت دەپارتامەنتى (ك ق د) جانە «زەردە» حولدينگىمەن كەزدەسۋ وتكىزىپ، قاعاز جانە ەلەكتروندى قۇجاتتاردىڭ پاراللەل اينالىمى ماسەلەسىن كوتەردىك. ك ق د مىندەتى - ەلەكتروندى قۇجاتتاردى ءوزارا مويىنداۋ ءۇشىن شەتەلدىك ارىپتەستەرمەن كەلىسسوز جۇرگىزۋ»، - دەيدى ول.

ەرمەك كوشەربايەۆ ۆەدومستۆونى ارى قاراي سيفرلاندىرۋ جۇمىسى جايىن دا ۇمىت قالدىرعان جوق.

«ءوتىنىش بەرۋشى قىزمەتتى سمارتفون نەمەسە كومپيۋتەر ارقىلى الا الاتىنداي دارەجەدە ۆەدومستۆونى تسيفرلاندىرعىمىز كەلەدى. بۇل باعىتتاعى جۇمىس از ۋاقىتتا اتقارىلا سالمايتىنى انىق. ءبىز وسى ماسەلەنى قىزمەتتەردى اۆتوماتتاندىرۋ بويىنشا ۆەدومستۆوارالىق كوميسسيانىڭ وتىرىسىندا تالقىلاعان بولاتىنبىز»، - دەدى ەرمەك كوشەربايەۆ.

ايتا كەتسەك، بۇدان بۇرىن سىبايلاس جەمقورلىققا قارسى قىزمەت سيفرلاندىرۋدىڭ باياۋ ەنگىزىلۋىنە قاتىستى ۆەدومستۆوعا ەسكەرتپە جاساعان بولاتىن.