بەلگيا بيلىگى قوقىستى پايدالى ماتەريالعا اينالدىرماق

استانا. قازاقپارات - بەلگيادا تاۋ- تاۋ بولىپ ۇيىلگەن قوقىس الاڭدارى ماسەلەسىن شەشۋدىڭ جاڭا جولدارى قولعا الىنىپ جاتىر. جەرگىلىكتى بيلىك ولاردىڭ بارلىعىن قايتا وڭدەۋدى كوزدەپ وتىر. سەبەبى قوقىستار توپىراقتى، سۋدى جانە اۋانى لاستاپ، ادامداردىڭ دەنساۋلىعىنا ۇلكەن زيان كەلتىرۋدە.

ال جاڭا جوباعا سايكەس بارلىق قوقىستار 2 توپقا ءبولىنىپ وڭدەلەتىن بولادى. بىرىنشىسىنە پلاستيك، تەمىر، شىنى سەكىلدى تەز وڭدەلەتىن زاتتار جاتسا، ەكىنشىسىنەن ءتۇرلى جولدارمەن ەكوسەمەنت الىنادى. مامانداردىڭ ايتۋىنشا، مۇنداي قۇرىلىس ماتەريالى قىشقىلدىعى جوعارى جانە تەڭىز سۋىنىڭ ىقپالىنا ءجيى ۇشىرايتىن ورتادا عيماراتتاردى سالۋدا وتە ءتيىمدى. تىڭ جوبانى ەۋروپالىق وداق قارجىلاندىرادى. ال رەسمي دەرەككە سۇيەنسەك قازىرگى كەزدە ەۋروپادا 1 جارىم ميلليونان استام قوقىس الاڭى بار ەكەن.

 پيتەر دجونس، جوبانى ۇيلەستىرۋشى:

- بۇل تاجىريبەلىك جوبا. ونىڭ بارىسىندا ءبىز جاڭا تەحنولوگيانى قولدانىپ، قوقىستى ءبولۋدىڭ جەلىسىن جاساۋدى كوزدەپ وتىرمىز. ناتيجەسىندە جوعارى ساپالى قۇرىلىس ماتەريالدارىن الماقپىز.

www.24.kz