ساۋساق ءىزى سكانەرى ارقىلى اشىلاتىن شابادان

  استانا. قازاقپارات - Xiaomi كومپانياسى Smart Unlock Suitcase «اقىلدى» شابادانىن جاساپ شىعاردى. ءبىر ەرەكشەلىگى شابادانعا بيومەتريا تەحنولوگياسى ورناتىلعان.

 دەمەك، جولاۋشى ءوز ساۋساق ءىزىن ەنگىزىپ قويىپ، ونى باسقا بىرەۋ اشا المايتىنىنا سەنىمدى جۇرەدى. ساۋساق ىزدەرى سكانەرىن FPC شۆەد كومپانياسى جاساعان. بيومەتريالىق قۇلىپ بەس ءتۇرلى ساۋساقتى اجىراتىپ، تاني الادى جانە 6 ايعا جەتەتىن ەكى ا ا باتارەيالارىمەن جۇمىس ىستەيدى. باتارەيا قۋاتى بىتكەندە، USB پورت ارقىلى قۋاتتاۋعا بولادى.

 شاباداننىڭ تۇتقاسى 14 كيلوگراممعا دەيىنگى سالماقتى كوتەرە بەرەدى. كورپۋسى ءۇش قاباتتى كومپوزيتتەن جاسالعان. ازىرگە شاباداندار قارا، جاسىل، سارى تۇستە شىعىپ جاتىر. CES 2018 (Consumer Electronics Show) كورمەسىندە Xiaomi كومپانياسى 90Fun Puppy1 Robotic Suitcase شابادانىن كورسەتكەن ەدى. ول بولسا گيروسكۋتەر جانە روبوتوتەحنيكا كومەگىمەن ءوز يەسىنىڭ سوڭىنان ەرۋگە قابىلەتتى.

Massaget.kz