15:16, 24 - تامىز 2018 | GMT +5
بۇگىن جاكارتادا بوكس دوداسى باستالدى
جاكارتا. قازاقپارات - بۇگىن جاكارتادا بوكستان جەكپە- جەكتەرى باستالدى. ولار 1 - قىركۇيەككە دەيىن جالعاسادى، دەپ حابارلايدى قازاقپارات ازيا بوكس كونفەدەراتسياسىنا سىلتەمە جاساپ.
سپورتتىڭ اتالمىش ءتۇرى ازيا ويىندارىنىڭ 1954 -جىلى وتكىزىلگەن ەكىنشى ويىنداردىڭ كەزىندە ەنگىزىلدى.
«ازيا ويىندارى ءار وليمپيادا كەزەڭىنىڭ ورتاسىندا وتەتىن قۇرلىقتىڭ باستى سپورتتىق دوداسى. بۇل بوكسشىلار، باپكەرلەر مەن تورەشىلەر ءۇشىن، جالپى، بارلىعىمىز ءۇشىن وليمپيادالار اراسىنداعى وزگەشە ەمتيحان دەسەك بولادى» ، - دەدى حالىقارالىق اۋەسقوي بوكس قاۋىمداستىعىنىڭ ۆيتسە- پرەزيدەنتى سەرىك قوناقبايەۆ.
سونداي- اق، ازيا بوكس كونفەدەراتسياسىنىڭ باسشىسى يندونەزيادا ءوتىپ جاتقان ازيا ويىندارىنىڭ ۇيىمداستىرىلۋ دەڭگەيىن جوعارى دەپ باعالادى.
يندونەزيا جازعى ازيا ويىندارىن ەكىنشى رەت قابىلداپ وتىر. اتالمىش ويىندار العاش رەت ءدال وسى جەردە 1962 -جىلى وتكىزىلگەن ەدى.
