دەمالىس كۇندەرى قازاقستاننىڭ سولتۇستىك وبلىستارىندا نوسەر جاڭبىر جاۋادى
وسى تسيكلونعا بايلانىستى الداعى ءۇش تاۋلىكتە سولتۇستىك، ورتالىق جانە شىعىس وبلىستاردا جاڭبىر جاۋادى، كۇن كۇركىرەيدى، داۋىل سوعادى. كەي جەرلەردە بۇرشاق جاۋۋى ىقتيمال.
سولتۇستىك وبلىستاردىڭ كەي جەرلەرىندە نوسەر جاڭبىرۋ جاۋۋى مۇمكىن. رەسپۋبليكانىڭ باسقا وڭىرلەرىندە اۋا رايى جاۋىن-شاشىنسىز، اۋا تەمپەراتۋراسى كوپ جىلعى ورتاشا نورماعا ساي كەلەدى، كەي جەرلەردە قالىپتى كورسەتكىشتەن 2-4 گرادۋس تومەن بولۋى مۇمكىن.
25- تامىز كۇنى سولتۇستىك قازاقستان وبلىسىنىڭ كەي جەرلەرىندە نوسەر جاڭبىر كۇتىلەدى. ءوڭىردىڭ ءبىرقاتار ايماقتارىندا نايزاعاي ويناپ، تۇمان تۇسەدى، داۋىل تۇرىپ، بۇرشاق جاۋۋى ىقتيمال. سولتۇستىك- باتىستان جىلدامدىعى سەكۋندىنا 15-20 مەترگە جەتەتىن جەل سوعادى. كۇندىز جەلدىڭ ەكپىنى 25 م/س اينالاسىندا بولادى.
25- تامىزدا پەتروپاۆلدا جاڭبىر جاۋىپ، نايزاعاي جارقىلدايدى. سونداي-اق، داۋىل كوتەرىلىپ، بۇرشاق جاۋۋى مۇمكىن. سولتۇستىك-باتىستان ەكپىنى 15 م/س- كە جەتەتىن جەل سوعادى. داۋىل تۇرۋ ىقتيمالدىعى - %90-95.
