08:27, 24 - تامىز 2018 | GMT +5
ۇلى بريتانيادا استىرتىن تۇردە قارۋ-جاراق جاسايتىن زاۋىت تابىلدى
استانا. قازاقپارات - ۇلى بريتانيادا استىرتىن تۇردە قارۋ-جاراق جاساپ كەلگەن زاۋىت تابىلدى. ونى ەلدىڭ قىلمىسپەن كۇرەس جونىندەگى ۇلتتىق اگەنتتىگىنىڭ تەرگەۋشىلەرى حەيلشەم قالاسىنداعى وندىرىستىك ايماقتا كەزدەستىرگەن، دەپ حابارلايدى قازاقپارات 24.kz سىلتەمە جاساپ.
تەرگەۋشىلەردىڭ ايتۋىنشا، نىساندى تەكسەرۋگە ونىڭ ىشىندە اتىلعان وق دىبىستارى سەبەپ بولعان.
ناتيجەسىندە ماماندار كولىك بولشەكتەرىن دايىندايتىن ءوندىرىس رەتىندە جۇمىس ىستەپ جاتقان نىساننىڭ ىشىنەن قارۋ-جاراق دايىندايتىن ستانوكتار مەن باسقا دا قۇرال-جابدىقتاردى كەزدەستىرگەن.
وقيعا كەزىندە بىرنەشە ادام ۇستالىپ، 2 تاپانشا مەن وق-ءدارى تاركىلەندى. قازىر ىسكە قاتىستى تەرگەۋ ءجۇرىپ جاتىر.
