ادام نەدەن سەمىرەدى؟

 استانا. قازاقپارات - جەتى نارسەدەن قاشىق بول!

1. ۇلكەن ىدىس.

بالا كەزىنەن «جاماننان جارتى اياق اس قالادى» دەپ، تاماعىن تاۋىسىپ ۇيرەنگەن ادام ءۇشىن بۇل قيىن جاعداي.

ويتكەنى، ەگەر ونىڭ تارەلكاسى ۇلكەن بولسا، وعان تاماق كوبىرەك سالىنادى. ال ول ونى تاۋىسپاي تۇرمايدى دەگەن ءسوز. سوندىقتان ەگەر «ارىقتايمىن» دەسەڭىز، تاماقتى كىشكەنە ىدىسقا سالىپ، كىشكەنتاي قاسىقپەن جەڭىز.

2. اس ۇيدە تۇرعان تەلەديدار. ادام تەلەديدار كورىپ وتىرسا، تاماقتى كوپ جەيدى. ول وزىنە ونشا بايقالماۋى مۇمكىن، ءبىراق ادام ەكى جۇمىستى قاتار ىستەگەننەن ميى قابىلداي المايدى. كوپ جەپ قويعانىن بايقاماي دا قالادى.

3. تاماقتار تۋرالى سايت. كەز كەلگەن ايەل دەمالىس كۇندەرى ءۇي ءىشىن قۋانتقىسى كەلىپ، ءدامدى تاماق دايىنداۋعا تىرىسادى. ول ءۇشىن ءتۇرلى اسپازدىق سايتتاردى قارايدى. الۋان ءتۇرلى تاماقتى كورگەن سايىن ادامنىڭ تاماققا دەگەن قۇشتارلىعى ويانادى. ءتىپتى كومپيۋتەر الدىندا وتىرىپ، قالاي تاماق جەپ وتىرعانىن سەزبەي قالادى. وسىدان بارىپ ادام ودان ارمەن تولادى. سوندىقتان اسپازدىق سايتتان گورى، ديەتا جايىندا كوبىرەك وقىعان دۇرىس.

4. كەڭ كيىم. ايەل بولسىن، ەر ادام بولسىن، كەز كەلگەن ادام ۇيدە ەركىن ءارى ىڭعايلى بولۋ ءۇشىن كەڭدەۋ كيىم كيەدى. بۇل دەنەگە جاعىمدى بولعانىمەن، جۇدەيمىن دەگەن ادامعا كەسىرىن تيگىزەدى. جالپى ۇيدە تىم كەڭ كيىمدى كيۋدىڭ قاجەتى جوق. ونداي كيىم كيگەن ادام تاماقتى توقتاۋسىز جەي بەرەدى. بۇعان ەكىنىڭ ءبىرى سەنبەۋى مۇمكىن، الايدا سالىستىرمالدى تۇردە الساق، داستارقان ۇستىندە تويعا كيەتىندەي ءساندى كويلەكپەن وتىرساڭىز، كوپ نارسە جەمەيسىز. ويتكەنى، ارتىق نارسە جەپ قويساڭىز، شاق كويلەكتەن بىردەن بىلىنەدى. پسيحولوگتاردىڭ ايتۋىنشا، ءوز- وزىنە سەنىمدى ايەلدەر اشىق ءتۇستى، جيناقى كيىم كيەدى.

5. تۇرمىستىق تەحنيكا. «مۇنىڭ سەمىرۋگە قانداي قاتىسى بار؟» دەپ ويلايتىن شىعارسىز، ءبىراق ۇيدەگى قىسقا تولقىندى پەش سەكىلدى زاتتار بولسا، وعان ءدامدى نارسە ىستەگىسى كەلىپ تۇرادى. ال جاڭا پىسكەن ناننىڭ حوش يىسىنەن ەشكىم ءوز- ءوزىن ۇستاي المايدى.

6. جاعىمدى ءيىس. ادامنىڭ ءيىس سەزۋ مۇشەسى جاقسى دامىعان. اسىرەسە، ءدامدى تاعامنىڭ ءيىسى شىققاندا تابەتى اشىلىپ، ءوزىن- ءوزى ۇستاۋ وتە قيىن. ونىڭ ۇستىنە، ءتۇن ورتاسىندجا قارنىڭىز اشىپ ويانسا، اس ءۇيدىڭ شامىن جاقپاي- اق قويعان ءجون. عالىمداردىڭ ايتۋىنشا، جارىق جاعىلسا، تابەت ودان ءارى ويانىپ اشىلادى ەكەن.

7. مۋزىكا. عالىمداردىڭ زەرتتەۋى بويىنشا ادامدار ۆيۆالدي، موتسارت، بەتحوۆەن جانە باحتىڭ ءانىن تىڭداپ وتىرسا، كوپ تاماق ىشەدى ەكەن. ودان گورى تىنىشتىقتا تاماقتانعان ءجون.

 

www.aikyn.kz