پوليتسيا قىزمەتكەرلەرى قوستانايلىق تۇرعىننىڭ ۇيىنەن گراناتا تاپتى

قوستاناي. قازاقپارات - قوستاناي وبلىستىق ىشكى ىستەر دەپارتامەنتىنىڭ ۇيىمداسقان قىلمىسپەن كۇرەس باسقارماسىنىڭ قىزمەتكەرلەرى سانكسيالانعان ءتىنتۋ جۇمىستارىنىڭ بارىسىندا رۋدنىي تۇرعىنىنىڭ ۇيىنەن تانكىگە قارسى قولدانىلاتىن گراناتا تاپتى، دەپ حابارلايدى قازاقپارات وبلىستىق ءى ءى د-نىڭ ۇ ق ق ك باسقارماسى باستىعىنىڭ مىندەتىن اتقارۋشى باحتيار باباعاليەۆكە سىلتەمە جاساپ.

پوليتسيا قىزمەتكەرىنىڭ مالىمەتتەرىنە قاراعاندا، رۋدنىي تۇرعىنىن ءتارتىپ ساقشىلارى قالاداعى فيرمالاردىڭ ءبىرىنىڭ ديرەكتورىنان 15 مىڭ دوللاردى بوپسالاۋ بارىسىندا قولعا تۇسىرگەن.

«پوليتسيا قىزمەتكەرلەرى كۇدىكتىنىڭ ءۇيىن ءتىنتۋ كەزىندە تانكىگە قارسى قولدانىلاتىن «ر پ گ-22» گراناتاسىن تاپتى. ول قولدانۋعا جارامدى بولىپ شىقتى. سونىمەن قاتار ولار 7,62 م م 2 وق تاپقان»، - دەپ تولىقتىردى ب. باباعاليەۆ.

45 جاستاعى كۇدىكتى ۇستالىپ، ۋاقىتشا ۇستاۋ يزولياتورىنا قامالدى. ونىڭ وزگە قىلمىستارعا قاتىستىلىعى تەكسەرىلۋدە. وسى كەزدە پوليتسيا قىزمەتكەرلەرى اتالعان فاكتى بويىنشا، سوتقا دەيىنگى تەرگەۋ جۇمىستارىن جۇرگىزۋدە.