21:03, 22 - تامىز 2018 | GMT +5
قازاقستاندىق گرەك- ريم بالۋاندارى ازيا ويىندارىندا ءۇشىنشى قولا مەدالدى جەڭىپ الدى
استانا. قازاقپارات - بۇگىن ازيا ويىندارىندا كۇرەس تۇرلەرىنەن باسەكە اياقتالادى. گرەك- ريم كۇرەسىنەن 97 كەلىدە ەل نامىسىن قورعاعان ەرۇلان ىسقاقوۆ قولا جۇلدەگەر اتاندى دەپ حابارلايدى قازاقپارات ءتىلشىسى.
ق ر ۇلتتىق وليمپيادالىق كوميتەتتىڭ باسپا ءسوز قىزمەتى ءمالىم ەتكەندەي، ەرۇلان ءتۋرنيردى 1/8 فينالدان باستاپ، وڭتۇستىك كورەيا وكىلىنەن 1:6 ەسەبىمەن ۇتىلعان ەدى.
قولا مەدال ءۇشىن كۇرەستە ول يراندىق ءالي اكبار حەيداريمەن بەلدەسىپ، 10:0 ەسەبىمەن جەڭىسكە جەتتى.
بۇل گرەك- ريم كۇرەسىنەن قازاقستان ەنشىسىندەگى ءۇشىنشى قولا مەدال.
اۆتور: كۇنسۇلتان وتارباي
