كۇندە جازۋ جازىپ وتىرۋدىڭ پايداسى
سەبەبى تەحنولوگيا ادامزاتتى تابيعي دۇنيەلەردەن تىيىپ تاستادى. مىسالى قاعازعا جازۋ جازۋدان. ال ونىڭ پايداسى ءبىز ويلاعاننان دا كوپ. اناليتيكالىق ويلاۋ جۇيەسى داميدى جاقسى ءماتىن جازۋ، ءبىر قاراعاندا، وڭاي شارۋا ەمەس. جاقسى داعدى قالىپتاسۋ ءۇشىن شىڭدالۋ كەزەڭىنەن ءوتۋ كەرەك. سول كەزەڭدە ادامنىڭ اناليتيكالىق ويلاۋ جۇيەسى ەرىكسىز داميدى. سەبەبى ءماتىننىڭ قۇرىلىمىن قۇرۋ، بايانداۋ ءتاسىلىن تاڭداۋ، ءتۇيىندى نارسەنى جازا ءبىلۋ ءۇشىن ادام ءوز ويلارىن ساراپتايدى.
ىشكە جينالعان كۇيزەلىس پەن مۇڭىڭىزدى تارقاتاسىز ويلاردى قاعاز بەتىنە بەدەرلەۋ - تەراپيانىڭ ءبىر ءتۇرى. سول ارقىلى ادام جان دۇنيەسىندەگى مۇڭ- شەرىن تارقاتادى، وي تۇكپىرىندە بىتەلىپ قالعان ارتىق ۋايىمدى جايىپ سالادى. ەگەر ادام ىزاسىن، قايعى- قاسىرەتىن ەشكىمدى اۋرەگە سالماي جويعىسى كەلسە، وعان قاعاز بەن قالام جاقسى كومەكتەسۋى مۇمكىن. ويىڭىزدى تازارتاسىز كۇيبىڭ تىرشىلىكتە انانى ىستەۋ كەرەك، مىنانى ىستەۋ كەرەك دەپ بايەك بولاتىن ساتتەر از بولمايدى. وندايدا كۇندىك جوسپار ادام ميىندا ورنىعىپ الىپ، جاڭا يدەيالار، جاڭا ويلارعا ورىن قالمايدى. ونىڭ ۇستىنە «جادىڭىزعا جۇك» تيەۋلى بولسا، ءىسىڭىز دە العا باسپاي قويادى. دەمەك ىستەيتىن شارۋاڭىزدى، جوسپارىڭىزدى كۇنى بۇرىن جازىپ قويعان دۇرىس. ميىڭىز دا تىنىش، «بىردەڭەنى ۇمىتامىن- اۋ» دەگەن ۋايىم دا جوق. جازۋ ماشىعىڭىز قالىپتاسادى ەگەر ءسىز شىعارماشىلىق ادامى بولساڭىز، جازۋ ءسىزدىڭ كۇندەلىكتى ءىسىڭىزدىڭ ءبىرى بولۋى شارت. ونسىز جازۋ بابى دا، وي ۇشقىرلىعى دا جوعالادى. جازۋشىلارداي كۇنىنە بىرنەشە ساعاتىڭىزدى ارناماساڭىز دا، وقتا- تەكتە ويىڭىزدى قاعازعا ءتۇسىرىپ تۇرعان ءجون. سوزدەن مونەتيزاتسياعا دەيىن ءار ءسوزىڭىزدى قازىرگى زامانعا يكەمدەپ، ەكشەپ- تەكشەپ جازۋعا، كوپيرايتينگكە قىزىقساڭىز، ءسىزدىڭ قابىلەتتى جارنامالىق ماقساتتا يگەرۋگە بولادى. ونىڭ قازىرگى تاڭداعى ەڭ كوپ تاراعان ءتۇرى - بلوگينگ، SMM، كونتەنت- ماركەتينگ. سول ارقىلى ءسوزىڭىزدى مونەتيزاتسيالاي الاسىز.
سمارتفوندى از قولداناتىن بولاسىز قاعاز بەن قالامنىڭ ءىسىن سمارتفون دا ەركىن اتقارا الادى. ءبىراق ءوز- ءوزىن ۇستاي المايتىندار ءۇشىن گادجەتتەردىڭ پايداسىنان گورى زيانى كوپ. ءبىر مينۋت ىشىندە جازىپ قوياتىن جازۋ ءۇشىن سمارتفوندى سيپالاي باستاعاندا قالاي 1 ساعاتتىڭ وتە شىققانىن بايقاماي قالۋعا بولادى. قىسقا دا نۇسقا سويلەپ ۇيرەنەسىز از ايتساڭ دا، ساز ايتۋ ءۇشىن جازۋ قابىلەتىڭنىڭ بولعانى دۇرىس. كەيدە ويداعى دۇنيەنى جەتكىزۋ ءۇشىن ميدا لەكسيكالىق ارپالىس تۋىندايدى. ونىڭ باستى سەبەبى - سوزدەردى دۇرىس جەتكىزۋگە دەگەن نيەت. ال جازۋ ماشىعىڭىز بولسا، ءسىزدىڭ كوممۋنيكاتسيالىق قابىلەتىڭىز اۆتوماتتى تۇردە جۇمىس ىستەيدى. ياعني، جازۋداعى شەبەرلىك دەڭگەيى اۋىزشا فورمادا دا كورىنىس تابادى.
Massaget.kz
