قىسى- جازى اياق توڭىپ جۇرەتىن بولسا

  استانا. قازاقپارات - «قىسى- جازى اياعىم ءبىر جىلىمايدى» دەپ شاعىمداناتىن جاندار ارامىزدا بارشىلىق. بۇل نەنىڭ بەلگىسى؟ اياق نەگە جىلىمايدى؟

اياق- قولدىڭ مۇزداي بولۋى - قاناينالىمعا بايلانىستى. بۇل - ءبىرىنشى سەبەبى. قاناينالىم ادام بويىنداعى تەمپەراتۋرانى قالىپتى جاعدايدا ۇستايدى. اياق- قول جىلىماسا، وندا انەميا، ارتەريا تامىرىنىڭ ءبىر ايماعىندا تۇيىقتالۋ نەمەسە باسقا ماسەلەلەر بولۋى مۇمكىن. الاڭسىز جۇرە بەرمەي، دارىگەرگە تەكسەرىلىپ، ءتيىستى ەم- دوم، كەڭەس العان ابزال. سەبەبى اياقتىڭ ىلعي مۇزداپ، توڭىپ ءجۇرۋى دەنساۋلىقتا ءبىر كىناراتتىڭ بارىن انىق اڭعارتادى.

 اياقتىڭ توڭىپ ءجۇرۋى گورموندار اسەرىنەن بولۋى دا مۇمكىن. زەرتتەۋشىلەردىڭ ايتۋىنشا، بۇل جاعداي كوبىنە ايەلدەردە كەزدەسەدى ەكەن. سەبەبى نازىك جاندى ارۋلار سەزىمتال كەلەدى. اينالاداعى كەز كەلگەن وزگەرىستەرگە دايىن بولماۋى مۇمكىن. ءتىپتى اۋا تەمپەراتۋراسىنىڭ ءوزى قان تامىرلارىنىڭ تارىلۋىنا اسەر ەتەدى. ەتەككىر كەلگەندە، بوسانعاندا گورموندار اسەرىنەن قاناينالىم جۇيەسى وزگەرۋى مۇمكىن.

باۋىرعا زاقىم كەلسە دە، اياقتىڭ توڭىپ ءجۇرۋى ىقتيمال. سەبەبى باۋىر ادام اعزاسىنداعى ەنەرگيا الماسۋىنا قاتىسادى. سوندىقتان دا اياق- قولىڭىز ءبىر جىلىماي جۇرسە، دارىگەرگە كورىنۋ كەرەك.

Massaget.kz