تورەعاليدىڭ پروديۋسەرى بولعان جان مۇقانوۆ العاشقى فيلمىن تۇسىرۋگە كىرىستى

  استانا. قازاقپارات - كۇنى كەشە ەلىمىزگە بەلگىلى پروديۋسەر جان مۇقانوۆتىڭ پروديۋسەرلىك ەتۋىمەن «سۆادبا. ك ز» فيلمىنىڭ ءتۇسىرىلىم جۇمىستارى باستالدى.

 توڭىرەگىنە كينو سالاسىنىڭ مايتالماندارىن جيناعان مۇقانوۆ تۋىندىنىڭ ءساتتى شىعاتىنىنا سەنىمدى، دەپ حابارلايدى Stan.kz اقپارات اگەنتتىگى.

جان مۇقانوۆ بۇرىندا تانىمال ءانشى تورەعالي تورەالىنىڭ پروديۋسەرى بولعان ەدى. بۇگىندە انشىمەن جۇمىس ىستەمەگەنىمەن، پروديۋسەرلىك قىزمەتىن جالعاستىرىپ ءجۇر. بۇعان دەيىن ءبىرشاما ءىستىڭ باسىن قايىرعان پروديۋسەر ەندىگى كينو الەمىنە بويلاپ، باعىن سىناپ كورمەك.

مۇقانوۆتىڭ العاشقى ءارى جاڭا تۋىندىسى «سۆادبا. ك ز» دەپ اتالادى. روماندىق كومەديانىڭ ءتۇسىرىلىم جۇمىسىنىڭ باستالۋى ۇزاققا سوزىلىپ كەتكەنىمەن، وڭتايى تۋرا قاسيەتتى قۇربان ايت مەيرامىنىڭ العاشقى كۇنىنە كەلىپتى.

«تاعدىردى، وقيعالار بارىسىن بولجاپ، بولىپ جاتقان جايتتاردىڭ اراسىنداعى سەبەپ- سالدارىن تولىق ءتۇسىنۋ مۇمكىن ەمەس. ءبىزدىڭ «سۆادبا. ك ز» فيلمىمىزدىڭ ءتۇسىرىلىمىنىڭ باستالۋى قايتا- قايتا كەيىنگە قالدىرىلىپ كەلدى. ءدال قۇربان ايتتىڭ العاشقى كۇنىندە العاشقى كينومىزدىڭ ءتۇسىرىلىمىن باستايتىنىمىزدى كىم ويلاعان؟

مەنىڭ ومىرىمدەگى اسا ماڭىزدى ساتتەردە ۇنەمى جاڭبىر جاۋادى. قازىر دە جاڭبىر جاۋىپ تۇر. «اللانىڭ نۇرى» ، - دەيتىن ەدى انام» ، - دەپ جازدى جان مۇقانوۆ Instagram-پاراقشاسىندا.

سونداي- اق، ول ءوز وتباسىندا دا ماڭىزدى وقيعا بولىپ جاتقانىن ايتتى. الايدا ناقتى قانداي جاعداي ەكەنىن جاسىرىپ قالدى. ازىرگە ايتا المايمىن، دەيدى پروديۋسەر.

ايتا كەتسەك، ۆالەري زادارنوۆسكي رەجيسسەرلىك ەتكەن فيلم بيىلعى جىلدىڭ 13 - جەلتوقسانىندا جارىق كورەدى دەپ جوسپارلانىپ وتىر.

Stan.kz