قازاقستاندا مەكتەپ فورماسىنىڭ ۇلتتىق ستاندارتى بەكىتىلدى
بۇل تۋرالى بۇگىن ق ر ينۆەستيتسيالار جانە دامۋ مينيسترلىگى يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ ءتوراعاسى الماس باتانوۆ ايتتى، دەپ حابارلايدى قازاقپارات ءتىلشىسى.
«جەڭىل ونەركاسىپتە دە جاعىمدى ديناميكا بايقالىپ، ءوسىم 1,5 پايىزدى قۇرادى. «ۋنيۆەرسال» ج ش س پوليپروپيلەن ونىمدەرىن ءوندىرۋ كولەمىن 50 پايىزعا ارتتىرىپ، رەسەي مەن قىرعىزستانعا ءونىم جەتكىزە باستادى. «اگف گرۋپپ» فابريكاسى قازىرگى ۋاقىتتا IKEA حالىقارالىق برەندى ءۇشىن توقىما ونىمدەرىن وندىرۋدە. سونىڭ ەسەبىنەن توسەك جايمالارىن ءوندىرۋ كولەمى ەكى جارىم ەسەگە ارتتى» ، - دەدى ول.
كوميتەت باسشىسىنىڭ دەرەگىنشە، رەسەي، قىرعىزستان، تاجىكستان، گەرمانيا سياقتى ەلدەرگە «بال تەكستيل» كىلەم فابريكاسىنىڭ كىلەمدەرىنىڭ ەكسپورتى 43 پايىعا ءوستى.
«ودان وزگە، بالالارعا ارنالعان بۇيىمداردىڭ ساپاسى مەن قاۋىپسىزدىگىن ارتتىرۋ ماقساتىندا ورتا ءبىلىم بەرۋ ۇيىمدارىنا ارنالعان مەكتەپ فورماسىنىڭ ۇلتتىق ستاندارتى ازىرلەنىپ، بەكىتىلدى. «وڭتۇستىك» ارنايى ەكونوميكالىق ايماعىنىڭ اۋماعىندا وسى جىلدىڭ شىلدە ايىندا سۇلگىلەر مەن مونشا حالاتتارىن تىگەتىن «TumarTextilE» جشس جوباسى ىسكە قوسىلدى. «LuxShoes» ج ش س- نىڭ اياق كيىم ءوندىرىسى بويىنشا جوباسى ىسكە قوسىلۋ ساتىسىندا تۇر. 2018 -جىلدىڭ سوڭىنا دەيىن جەڭىل ونەركاسىپتىڭ 3 جوباسىن ىسكە قوسۋ جوسپارلانىپ وتىر» ، - دەدى الماس باتانوۆ.
