تاڭعى اس ءىشۋدىڭ پايداسى انىقتالدى

 استانا. قازاقپارات - ۇلى بريتانياداعى باتا ۋنيۆەرسيتەتىنىڭ زەرتتەۋشىلەرى جاتتىعۋ الدىندا تاڭعى اس ءىشۋ كومىرسۋلاردىڭ ىدىراۋىنا جانە فيزيكالىق بەلسەندىلىكتەن كەيىن تۇتىنعان تاماقتىڭ تەز سىڭۋىنە كومەكتەسەدى دەيدى.

بۇل تۋرالى HealthXpress باسپا ءسوز حابارلاماسىندا ايتىلدى.

زەرتتەۋگە تاڭعى اس ءىشىپ جۇرگەن نەمەسە جاتتىعۋ الدىندا مۇلدە تاماقتانباعان دەنساۋلىعىندا كىنارات جوق 12 ەر ادام قاتىستى. تاڭعى اس پەن دەنە بەلسەندىلىگى اراسىنداعى ۋاقىت ارالىعى ەكى ساعاتتى قۇرادى. تاجىريبە بارىسىندا قاتىسۋشىلار تاڭعى استان كەيىن ءۇش ساعات دەمالدى. زەرتەۋدىڭ سوڭىندا تاجىريبەگە قاتىسۋشىلاردىڭ قانىنداعى گليۋكوزا دەڭگەيى مەن بۇلشىق ەتتەگى گليكوگەن ولشەندى.

ناتيجەسىندە، تاڭعى استىڭ جاتتىعۋ كەزىندە بۇلشىق ەتتەردەگى گليكوگەن تۇرىندە ساقتالاتىن كومىرسۋلاردى جىلدام ىدىراتۋعا كومەكتەسەتىنى انىقتالدى. سونداي-اق، قانداعى قانت دەڭگەيىنىڭ تومەندەگەنى بايقالدى.

سونىمەن قاتار، فيزيكالىق بەلسەندىلىككە دەيىن تاماقتانۋ جاتتىعۋدان كەيىن تۇتىنىلاتىن تاعامدى جىلدام قورىتۋعا كومەكتەسەدى.