پروكۋراتۋرا ارالاسقاننان كەيىن ەكى پويىزدىڭ كەستەسى وزگەردى
اتاپ ايتقاندا، جاڭاارقا ترانزيتتىك ستانسياسىنا كەلگەن قاراجال - قاراعاندى پويىزىنىڭ لوكوموتيۆى جولاۋشى تولى ۆاگونداردى اعىتادى. وعان جولاۋشىلار جول ءۇستى وتەتىن جەزقازعان - استانا - جەزقازعان پويىزىن 3,5 ساعاتتان استام ۋاقىت كۇتىپ وتىرۋعا ءماجبۇر.
بالقاش - جەزقازعان پويىزىنا مىنگەن جولاۋشى دا جارىق ستانساسىندا ءدال وسىلاي 3,5 ساعات تۇراتىن.
جولاۋشىلار پويىزداردىڭ سانيتاريالىق جاعدايىنىڭ ناشارلىعىنا دا ءتوزىپ كەلگەن. بۇدان تىس، جولاۋشىلار رۇقسات ەتىلمەگەن جەردەن، اسا ءقاۋىپتى ايماقتا ۆاگوننان شىعىپ، تەمىرجولدى كەسىپ وتۋگە ءماجبۇر بولاتىن.
«بۇرىن «قازاقستان تەمىر جولى» ۇ ك» ا ق-تا وسى پويىزداردىڭ گرافيگى بىرنەشە رەت تۇزەتىلگەن، ءبىراق ورتا جولدا ۇزاق ۋاقىت تۇرىپ الاتىنى ەسكەرىلمەگەن. پروكۋراتۋرانىڭ ەسكەرتپەسىمەن پويىزداردىڭ كەستەسى وزگەرتىلىپ، ءبىر پويىزدىڭ ايالداۋ ۋاقىتى 60 مينۋتقا، ەكىنشىسىنىكى 49 مينۋتقا قىسقاردى»، - دەيدى قاداعالاۋ ۆەدومستۆوسىنىڭ وكىلدەرى.
تاسىمالداۋ پروتسەسىنە جاۋاپتى «قازاقستان تەمىر جولى» ۇ ك» ا ق-تىڭ لاۋازىمدى تۇلعاسى تارتىپتىك جاۋاپقا تارتىلدى.
