02:07, 16 - تامىز 2018 | GMT +5
مەسسي جىل سوڭىنا دەيىن ارگەنتينا قۇراماسىندا وينامايدى
استانا. قازاقپارات - ارگەنتينا قۇراماسىنىڭ شابۋىلشىسى جانە كاپيتانى ليونەل مەسسي 2018 -جىلدىڭ سوڭىنا دەيىن ۇلتتىق قۇراما ساپىندا الاڭعا شىقپايدى.
بۇل تۋرالى TNT Sports باسىلىمى Twitter جەلىسىندە جازدى. حابارلامادا: «مەسسي جىل سوڭىنا دەيىن ارگەنتينانىڭ قۇرامىندا وينامايدى. الايدا، بۇل جاعداي فۋتبولشىنىڭ حالىقارالىق مانسابى اياقتالعانىن بىلدىرمەيدى. ونىڭ ناقتى قاي ۋاقىتتا قۇراماعا قايتا ورالاتىنىن الداعى ۋاقىتتا جازاتىن بولامىز»، - دەلىنگەن.
حابار تاراتقان باسىلىمنىڭ جۋرناليسى ەرنان كاستيلونىڭ جەكە پايىمى بويىنشا، 31 جاستاعى فۋتبولشى رەسەيدە وتكەن الەم چەمپيوناتىنداعى ساتسىزدىكتەن كەيىن وسىنداي شەشىمگە كەلگەن. سول سەبەپتى، ول 7 - قىركۇيەكتە وتەتىن ارگەنتينا- گۆاتەمالا جانە 11 - قىركۇيەككە جوسپارلانعان ارگەنتينا- كولۋمبيا جولداستىق كەزدەسۋلەرىنە قاتىسپايدى.
Massaget.kz
