12:39, 15 - تامىز 2018 | GMT +5
ءۇندىستان عارىشقا ادام ۇشىرۋدى جوسپارلاپ وتىر
استانا. قازاقپارات - ءۇندىستان 2020-جىلعا قاراي العاشقى جەكە ۇشقىش ارقىلى باسقارىلاتىن ميسسيانى عارىشقا جىبەرۋدى جوسپارلاپ وتىر.
بۇل جونىندە تاۋەلسىزدىك كۇنىن تويلاۋ قارساڭىندا ەلدىڭ پرەمەر-ءمينيسترى نارەندرا مودي ءمالىم ەتتى، دەپ حابارلايدى ت ا س س اگەنتتىگى NDTV تەلەارناسىنا سىلتەمە جاساپ.
«ءۇندىستان ءاردايىم عارىش سالاسىنداعى دامىعان ەلدەردىڭ قاتارىندا بولدى. الايدا 2022-جىلى ءۇندىستاننىڭ تاۋەلسىزدىگىنە 75 جىل تولعان كەزدە نەمەسە ودان دا بۇرىن ەلىمىزدىڭ ۇلى نەمەسە قىزى قولىنا ءۇش ءتۇستى تۋدى ۇستاپ، عارىشقا اتتانادى دەپ شەشتىك»، - دەگەن پرەمەر-ءمينيستردىڭ ءسوزىن كەلتىرەدى تەلەارنا.
بۇعان دەيىن ءۇندىستان عارىش زەرتتەۋلەرى ۇيىمى ۇلتتىق ەكيپاجدى وربيتاعا جەكەمەنشىك ءۇندى كەمەسىمەن جىبەرۋ ماقساتىندا ءبىرشاما جۇمىستار اتقارىپ جاتقانى تۋرالى حابارلانعان ەدى.
