تانىمال قازاق ميللياردەرى ەلدەگى سەمىز ءارى جالقاۋ جىگىتتەرگە ىزدەۋ سالدى
ونىڭ ايتۋىنشا، وسى ۋاقىتقا دەيىن ول جالقاۋلىق پەن سەمىزدىكتى ءوزىنىڭ كەمشىلىگى دەپ سانايدى ەكەن. كاسىپكەر بۇل تۋرالى ءوزىنىڭ Instagram جەلىسىندەگى پاراقشاسىندا ايتتى.
«دوستار، ءار ادامنىڭ ءومىر باقي كۇرەسىپ جۇرگەن كەمىستىكتەرى بار. مەن دە كەمىستىكتەردەن قۇر ەمەسپىن. شىنىن ايتسا، مەندە كەمىستىكتەر كوپ، ءبىراق وسى جولى تەك قانا ءۇش كەمەستىگىم تۋرالى ايتا كەتەيىن. مەن ءومىر باقي ءوزىمدى جالقاۋ، ماقتانشاق جانە سەمىز دەپ سانايتىنمىن. بالكي اللا ماعان ءومىر باقي كۇرەسسىن دەپ وسى كەمىستىكتەردى بەرگەن شىعار. بىرتە-بىرتە مەن بۇل كەمىستىكتەردى جويىپ كەلە جاتىرمىن.
جالقاۋلىعىمدى تيىمدىلىك تاسىلدەرىمەن تەڭەلتىپ، ماقتانشاقتىقتان ءومىر ءوزىنىڭ قاتال مىنەزىمەن ەمدەپ كەلە جاتىر. ءبىراق ءبىر كۇشەيىپ كەلە جاتقان جاۋىم بار - ول ارتىق سالماق. ەگەر ەكى كەمىستىگىم جىلدان جىلعا السىزدەنىپ بارا جاتسا، ارتىق سالماق وزىنە كارىلىك، مەتابوليزمنىڭ باياۋلاۋى، تەستوستەروننىڭ ءتۇسۋى، ومىرلىك قۋاتتىڭ ءتۋسۋى اتتى وداقتاستاردى جيناپ تەك قانا كۇشەيىپ بارا جاتىر.
ونىڭ ۇستىنە، مەن ءدامدى تاماقتى قادىرلەپ، ءدامدى تاعامداردى كوپ جەپ قوياتىن ادەتىم بار دا، سپورتتى جاقسى كورمەيمىن. ال ەندى وسىنىڭ ءبارىن ەسكەرە وتىرىپ، مەن بۇل جاۋىما سوققى بەرۋگە بەل بايلادىم! بۇنى نەگە جازىپ وتىرمىن؟ ويتكەنى مەن دە وداقتاستاردى جينايىن دەدىم. ءبىراق مەن تەك قانا ارتىق سالماقپەن كۇرەسە قويماي ەكىنشى جاستىقتى قايتارۋعا دا بەل بايلادىم»، - دەپ جازدى ول.
ونىڭ ايتۋىنشا، ول ءوزى سەكىلدى ەر ادامداردان «وداق» قۇرىپ، اتالعان كەمشىلىكتەرمەن بىرگە كۇرەسۋدى شەشكەن.
