08:44, 15 - تامىز 2018 | GMT +5
تۇركيا ا ق ش- تان يمپورتتالاتىن ەلەكترونيكا تاۋارلارىنا تىيىم سالدى
استانا. قازاقپارات - تۇركيا ەندى ا ق ش- تان ەلەكترونيكا تاۋارلارىن ساتىپ المايدى. بۇل اق ءۇيدىڭ جاڭا سانكسيالارىنا قايتارىلعان جاۋاپ سىڭايلى.
ەل پرەزيدەنتى رەجەپ تايپ ەردوعان وسىنداي مالىمدەمە جاسادى. تۇركيا باسشىسى امەريكا قۇراما شتاتتارىنىڭ سانكسياسىن «ەكونوميكالىق شابۋىل» دەپ قابىلدادى. بۇگىنگى تۇركيا كەز كەلگەن قاجەتتى قۇرال- جابدىقتى وندىرۋگە قابىلەتتى ەكەندىگى العا تارتىلدى.
رەجەپ تايىپ ەردوعان، تۇركيا پرەزيدەنتى:
- ەرتەرەكتە مۇنىڭ ءبارى استىرتىن جاسالاتىن ەدى. ال ەندى ساۋدا سوعىسى اشىق تۇردە جۇزەگە اسىپ جاتىر. وسى ماسەلەگە قاتىستى ءبىز ەكى ءتۇرلى جاۋاپ قايتارا الامىز. ءبىرى ەكونوميكالىق، ەكىنشىسى ساياسي تۇرعىدان. ودان بولەك ءبىز ا ق ش- تان ەشقانداي ەلەكترونيكا تاۋارلارىن ساتىپ المايتىن بولىپ شەشتىك. قاراجاتتى سىرتقا شاشپاي، ونداي دۇنيەنى ءوزىمىز- اق ءوندىرىپ شىعاراتىن بولامىز. ءبىزدىڭ وعان مۇمكىندىگىمىز جەتەدى.
www.24.kz
