سارسەنبىدە ەلدىڭ باسىم بولىگىندە اۋا رايى قۇبىلمالى بولادى
اتموسفەرالىق اۋا اعىنداردىڭ وتۋىنە بايلانىستى رەسپۋبليكانىڭ كەي جەرلەرىندە قۇبىلمالى اۋا رايى ساقتالادى. نايزاعايمەن بىرگە جاڭبىر جاۋىپ، داۋىل جانە ەكپىندى جەل سوعادى. تۇندە جانە تاڭەرتەڭ كەي جەرلەردە تۇمان كۇتىلەدى.
سولتۇستىك قازاقستان، شىعىس قازاقستان وبلىستارىنىڭ كەي جەرلەرىندە جەل 15-20 م/س كۇشەيەدى، نايزاعاي، بۇرشاق، تۇندە جانە تاڭەرتەڭ تۇمان تۇسەدى. سولتۇستىك قازاقستان وبلىسىندا كەي جەرلەردە داۋىل بولادى.
كۇندىز باتىس قازاقستان وبلىسىندا كەي جەرلەرىندە جەلدىڭ جىلدامدىعى15-20 م/س جەتىپ، نايزاعاي، داۋىل كۇتىلەدى. اقمولا، قاراعاندى، پاۆلودار، الماتى وبلىستارىنىڭ كەي جەرلەرىندە تۇمان تۇسەدى.
جامبىل، تۇركىستان، كۇندىز قىزىلوردا وبلىستارىنىڭ كەي جەرلەرىندە جەل 15-20 م/س كۇشەيەدى، تۇركىستان وبلىسىندا شاڭدى داۋىل سوعادى. اتىراۋ، كۇندىز ماڭعىستاۋ وبلىستارىنىڭ كەي جەرلەرىندە نايزاعاي جارقىلدايدى.
قىزىلوردا، تۇركىستان، كەي جەرلەردە جامبىل، الماتى، اقتوبە، اتىراۋ، ماڭعىستاۋ، قوستاناي، قاراعاندى وبلىستارىندا جوعارى ءورت قاۋىپى ساقتالادى.
