يراك يرانمەن اراداعى ساۋدادا دوللار قولدانۋدان باس تارتادى

استانا. قازاقپارات - ا ق ش- تىڭ وسى تالابىنا كونگەنمەن يرانعا سالعان سانكسيالاردى تۇگەلدەي ورىندامايدى. بۇل تۋرالى يراك پرەمەر- ءمينيسترى حەيدار ءال- ابادي جاريالادى.

وسىلايشا، ول وتكەن اپتادا جاساعان مالىمدەمەسىنەن اينىپ وتىر. ول كەزدە يراك پرەمەرى يرانعا سالىنعان ا ق ش سانكسيالارىن قولدامايتىنىن، ءبىراق ەلىنىڭ مۇددەسىنە نۇقسان كەلتىرمەۋ ءۇشىن وسى شەكتەۋ ءتارتىبىن ساقتايتىنىن ايتقان ەدى.

الايدا بۇل سوزدەرى يران جاعىنان دا ەل ىشىندە دە قاتال سىنعا ۇشىرادى. ەڭ قىزىعى، يراك مەملەكەتىنىڭ ەڭ جاقىن وداقتاستارى يران مەن ا ق ش سانالىپ كەلەدى. سوندىقتان ۆاشينگتون مەن تەگەران اراسىنداعى ارازدىقتىڭ ۋشىعۋى باعدادتى قيىن جاعدايعا قالدىرىپ وتىر.

حەيدار ءال- ابادي، يراك پرەمەر- ءمينيسترى:

 - انىعىن ايتايىن، مەن سانكسيالاردى ورىندايمىز دەگەن جوقپىن. ءيا، يرانعا قاتىستى مىندەتەمەلەرىمىزدى ورىنداپ، ساۋدا- ساتىعىمىزدا دوللار قولدانبايمىز دەگەنمىن، ءبىراق ا ق ش سانكسيالارىن ورىندايمىز دەپ ايتقان ەمەسپىن.

www.24.kz