ەڭ قىمبات گولليۆۋدتىق اكتەر گولوۆكيننىڭ جەڭىسىنە ءباس تىكتى
گولليۆۋدتىق اكتەر جانە پروديۋسەر مارك ۋولبەرگ WBA ، IBO، WBC ورتاشا سالماق دارەجەسى بويىنشا الەم چەمپيونى اتانعان تانىمال قازاقستاندىق بوكسشى گەننادي گولوۆكين (38-0-1, 34 كو) مەن مەكسيكالىق ساۋل الۆارەس «كانەلو» (49-1-2, 34 كو) ەكەۋىنىڭ اراسىنداعى الداعى جەكپە- جەككە قاتىستى ءوز پىكىرمەن ءبولىستى، دەپ جازادى Stan.kz.
گولوۆكين مەن «كانەلونىڭ» العاشقى كەزدەسۋى بىلتىر 15 - قىركۇيەكتە لاس- ۆەگاستىڭ T- Mobile ارەناسىندا وتكەن بولاتىن. الايدا، كوپشىلىك اسىعا كۇتكەن ايقاستا ەكى سپورتشى دا تەڭ ءتۇسىپ، جەڭىمپاز انىقتالمادى. سول كۇنگى ايقاستان كەيىن كوپتەگەن تانىمالدار گولوۆكين مەن الۆارەسكە قاتىستى بولجام جاساۋمەن بولدى. سونىڭ ءبىرى تانىمال امەريكالىق اكتەر مارك ۋولبەرگ تە GGG مەن "كانەلونىڭ" ەكىنشى كەزدەسۋىندە گولوۆكينننىڭ جەڭىسكە جەتەتىنە سەنىم ءبىلدىردى.
«مەنىڭ ويىمشا، العاشقى جەكپە- جەكتە گولوۆكين تازا جەڭىسكە جەتىپ تۇردى. ماعان «كانەلو» دا ۇنايدى، ءبىراق ونىڭ GGG- نى جەڭە الاتىنىن كورمەي تۇرمىن. گولوۆكين - وتە سابىرلى، مىقتى جىگىت. سونىمەن قاتار، ول قازىر اشۋلى جانە رەنجۋلى» - دەدى اكتەر Wahlberg BadCulture تەلەارناسىنا بەرگەن سۇحباتىندا.
ايتا كەتەيىك، بيىلعى جىلدىڭ اقپان ايىندا ۋولبەرگ گولوۆكيندى قوناق قىلىپ كۇتكەن بولاتىن. الەم چەمپيون گولليۆۋد جۇلدىزىنا قازاقتىڭ ويۋىمەن بەزەندىرىنگەن قولعابىنا ءوز قولتاڭباسىن قويىپ سىيعا تارتتى. ال، وتكەن جىلدىڭ قىركۇيەگىندە ۋولبەرگ گولوۆكين مەن «كانەلونىڭ» العاشقى جەكپە- جەگىنەن كەيىن وتانداسىمىزعا قولداۋ كورسەتتى.
گەننادي گولوۆكيندى قولداپ، ونىڭ جەڭىسكە جەتەتىنىنە سەنىم بىلدىرگەن 47 جاستاعى مارك ۋولبەرگ «ترانسفورمەرى» ، «پلانەتا وبەزيان» ، «ترەتيي ليشنيي» جانە«بوەتس» فيلمدەرىندەگى رولدەرىمەن تانىمال. 2017 -جىلى ول ەكى فيلمگە ءتۇسىپ 67 ميلليون دوللار تابىس تاپتى جانە سودان باستاپ گولليۆۋدتاعى ەڭ قىمبات اكتەر اتاندى.
