12:17, 14 - تامىز 2018 | GMT +5
قىتاي اسكەري تەحنيكاسىن قازاقستان ارقىلى رەسەيگە اكەتىپ بارادى
استانا. قازاقپارات - قازاقستان قورعانىس مينيسترلىگى ەل اۋماعى ارقىلى قىتاي اسكەري تەحنيكالارى رەسەي پوليگونىندا وتەتىن شاڭحاي ىنتىماقتاستىق ۇيىمى (ش ى ۇ) ەلدەرىنىڭ تەرروريزمگە قارسى جاتتىعۋىنا قاتىسۋعا بارا جاتقانىن حابارلادى.
مينيسترلىك باسپا ءسوز قىزمەتىنىڭ حابارلاماسىندا قىتاي اسكەري تەحنيكالارى دوستىق-اقتوعاي-اياگوز-اۋىل-لوكوت مارشرۋتى ارقىلى رەسەيدىڭ چەليابينسك وبلىسىنداعى چەباركۋل پوليگونىنا كەتىپ بارا جاتقانى ايتىلادى. رەسمي اقپاراتتا قىتاي اسكەري تەحنيكالارىن «شىعىس» ايماقتىق قولباسشىلىعى قاراۋىلمەن الىپ جۇرەتىنى ايتىلعان.
قورعانىس مينيسترلىگىنىڭ اقپاراتىنا قاراعاندا، «بەيبىت ميسسيا» دەپ اتالاتىن جاتتىعۋعا ش ى ۇ ەلدەرى - قازاقستان، قىرعىزستان، قىتاي، پاكىستان، رەسەي، تاجىكستان، وزبەكستان جانە ءۇندىستاننىڭ ءۇش مىڭنان استام اسكەري قىزمەتكەرى مەن 500 دەن استام قارۋ-جاراق جانە تەحنيكا قاتىسادى.
قازاقستان قورعانىس مينيسترلىگى سونىمەن قاتار قازاقستان قارۋلى كۇشتەرىنىڭ اسكەري ەشەلوندارى جاتتىعۋعا 18- تامىز كۇنى اتتاناتىنىن حابارلادى.
