سەنىمسىزدىكتەن قۇتقاراتىن ءۇش ەرەجە
كوكەيدەگى كۇدىك پەن كۇمان، قورقىنىش پەن سەنىمسىزدىكتى جەڭۋ ءۇشىن نە ىستەۋ كەرەك؟ الدىمەن بويىڭىزدا كەلەسى قاسيەتتەردىڭ بار- جوقتىعىن تەكسەرىپ الۋ كەرەك:
تاۋەلسىزدىك
سۇيىكتى ءىسىڭىزدىڭ، حوببيىڭىزدىڭ بولۋى
سىرت كەلبەتىڭىزدىڭ جيناقى بولۋى
تاۋەلسىزدىك - بۇل باسقالارعا تاۋەلدى بولماۋ. ەرەسەك ادام ءبىر اي جالعىز ءومىر سۇرە الا ما؟ ەگەر سۇرە السا ءبارى دۇرىس. ەگەر باسقالارسىز ءبىر اي ءومىر سۇرە الماساڭىز بۇنىمەن جۇمىس ىستەۋ كەرەك. سەبەبى بۇل دا تاۋەلدىلىك، وزگەلەرگە، جالعىزدىققا تاۋەلدىلىك. تاۋەلسىز ادام وزىنە عانا سەنىم ارتادى.
حوببي - ادامنىڭ اينالاسىنداعىلارعا قۇندىلىعىن كورسەتەتىن ءبىر كورسەتكىش. ەشتەڭەگە قىزىقپايتىن ادام وزىنە نازار اۋدارتا المايدى. سوندىقتان جانىڭىزعا جاقىن دۇنيەنى تابۋ كەرەك. ماسەلەن مۋزىكا، فوتو، استرونوميا، كوركەم ادەبيەت، سكەيت، سنوۋبورد، شاڭعى، سۋرەت سالۋ جانە ت. ب. حوببي ادامنىڭ ءوز- وزىنە سەنىمدىلىگىن ارتتىرادى.
ادامنىڭ سىرت كەلبەتى وزىنە دەگەن سەنىمدىلىگىن ارتتىرۋ ءۇشىن اسا ماڭىزدى. ماسەلە سۇلۋلىقتا ەمەس، كۇتىم مەن ستيلدە. دۇرىس كيىنىپ، ءوز-وزىنە قاراپ جۇرگەن ادامنىڭ كوڭىل- كۇيى دە جاقسى بولادى.
ادام وسى ءۇش ماسەلەنى شەشكەن كەزدە بويىندا قانداي دا ءبىر سەنىمدىلىك پايدا بولادى.
دەرەككوز: سەگودنيا
