استانادا تۇڭعىش رەت توقۋ فەستيۆالى وتەدى
فەستيۆال بىزبەن جانە ىلگەكپەن توقۋعا اۋەس جانداردىڭ باسىن قوسپاق، شاراعا اتالمىش قولونەرگە جاڭادان قوسىلعاندار دا، توقۋمەن كاسىبي اينالىساتىندار دا قاتىسادى. جاڭادان كەلگەندەر ءۇشىن توقۋ، ءجىپ ءيىرۋ جانە كيىز باسۋدان تەگىن شەبەرلىك سىنىپتارى ۇيىمداستىرىلادى.
العاشقى «يوگا موزگا XXI ۆەكا» توقۋ فەستيۆالىنىڭ ەرەكشەلىگى - وعان مۇمكىندىگى شەكتەۋلى جانە پسيحولوگيالىق كەمشىلىكتەرى بار تۇلعالار دا قاتىسا الادى. ولار دەنساۋلىعىنىڭ ناشار بولۋىنا بايلانىستى توقۋدى ۇيرەنىپ، فەستيۆالدى ۇيىمداستىرۋشى راحيما مۇقىشيەۆانىڭ ارقاسىندا اقشا تابۋ مۇمكىندىگىنە يە بولدى. بۇگىنگى تاڭدا ونىڭ Bergen شەبەرحاناسىندا 12 ادام جۇمىس ىستەيدى، ونىڭ ىشىندە جەتەۋى حالىقتىڭ الەۋمەتتىك وسال توپتارىنا جاتادى.
«مەن ادامدارعا توقۋدى ۇيرەتەمىن. بۇل دا وزىندىك ءبىر تەراپيا، ول بىرەۋلەرگە زەيىنىن شوعىرلاۋعا جانە قيىندىقتار مەن ماسەلەلەردى جەڭۋگە كومەكتەسەدى، ال باسقالارى ءۇشىن توقۋ - اقشا تابۋدىڭ جالعىز جولى. استانا قالاسىنىڭ اكىمدىگىنىڭ قولداۋىنىڭ ارقاسىندا توقۋ فەستيۆالىن وتكىزىپ وتىرمىز، مۇندا نيەت بىلدىرگەن جانداردىڭ بارلىعى، جاسىنا، دەنساۋلىعىنا جانە كاسىبىنە قاراماستان، توقۋدى ۇيرەنەدى نەمەسە جەتىلدىرەدى»، - دەدى راحيما مۇقىشيەۆا.
بۇدان باسقا، فەستيۆالگە قاتىسۋشىلار ءۇشىن يوگا مەن سامبا-jumping ساباقتارى، كىتاپقا قۇمار جانە سەلفي جاساعاندى ۇناتاتىندارعا ارنالعان گاماكتار ايماعى، ءتۇرلى كونكۋرستار مەن كونسەرتتىك باعدارلاما ۇيىمداستىرىلادى.
«يوگا موزگا XXI ۆەكا» فەستيۆالىنە قاتىسۋشىلار توقۋدى ۇيرەنىپ قانا قويماي، قايىرىمدىلىق جاسايدى. «28 پەتەل» («28 ىلمەك») كلۋبىنىڭ مۇشەلەرىمەن بىرگە مەرزىمىنەن بۇرىن دۇنيەگە كەلگەن سابيلەرگە كيىم توقۋعا ۇلەس قوسادى.
ءۇش كۇن بويى ساعات 13:00 دەن 20:00 گە دەيىن فەستيۆال اۋماعىندا الەۋمەتتىك جۇمىستار كورمەسى وتەدى، سونداي-اق، تۋىندىلاردى ساتىپ الۋعا بولادى. اتاپ ايتقاندا، Bergen شەبەرحاناسىنىڭ جۇمىسكەرلەرى مەن باسقا دا شەبەرلەر ءوز قولدارىمەن توقىعان كارديگاندار، سومكەلەر، موحەر كوفتالار ساتىلادى.
اۆتور: رۋسلان عابباسوۆ
