قازاقستان بوكسشىلارىنىڭ ازيادادا جەڭىسكە جەتەتىنىنە سەنىمدىمىن - روي دجونس
جالپى، روي دجونس ۇلتتىق قۇراما بازاسىنا كۇتپەگەن جەردەن كەلدى. ول قوستاناي وبلىسىنا ءبىر سپورتتىق ءىس-شاراعا شاقىرىلعان بولاتىن. ءبىراق ۇلتتىق بوكس قۇراماسى استانادا ازيادا الدىنداعى سوڭعى دايىندىق جۇمىستارىن پىسىقتاپ جاتقانىن ەستىگەن سوڭ روي دجونس ءبىزدىڭ بوكسشىلارمەن كەزدەسكىسى كەلدى.
اتاقتى سپورتشى كوماندانىڭ قانداي جاعدايدا جاتتىعىپ جانە دەمالىپ جاتقانىن ءوز كوزىمەن كوردى. قۇراما كوماندانىڭ باس جاتتىقتىرۋشىسى مىرزاعالي ايتجانوۆپەن جانە سپورتشىلارمەن سويلەسىپ، ولارعا ازيا ويىندارىندا ساتتىلىك تىلەدى.
«بىلەم، قازىر جارىس باعدارلاماسى وزگەرگەن. سىزدەر مەدال الامىز دەپ ءۇمىت ارتقان بىرنەشە سالماق دارەجەسى الىنىپ تاستالدى. ءبىراق سوعان قاراماستان، سىزدەر بىرنەشە التىن الاسىزدار دەگەن سەنىمدەمىن. مەن قازاقستاندىق بوكستىڭ تاريحىن جاقسى بىلەمىن. ول الەمدە جەتەكشى ورىنداردىڭ ءبىرىن يەلەنىپ ۇلگەردى. قازاقستاندىقتار اۋەسقوي بوكستا دا، كاسىپقوي بوكستا دا وزدەرىنىڭ باسىمدىعىن تالاي رەت دالەلدەگەن. سوندىقتان، بۇگىندە سىزدەر - وتە مىقتى كومانداسىزدار. مەن سىزدەردىڭ جەڭىسپەن ورالاتىندارىڭىزعا سەنەمىن»، - دەدى روي دجونس.
