12:59, 13 - تامىز 2018 | GMT +5
قازاقستاندا اتى-جوندەرى بىردەي قانشا ادام تۇرادى؟
استانا. قازاقپارات - ق ر ۇلتتىق ەكونوميكا مينيسترلىگىنىڭ ستاتيستيكا كوميتەتى ەلىمىزدە اتى، تەگى جانە اكەسىنىڭ اتى بىردەي قانشا ادامنىڭ تۇراتىندىعىن ەسەپتەپ شىعاردى، دەپ حابارلايدى قازاقپارات ءتىلشىسى.
«2018-جىلدىڭ 1- شىلدەسىندەگى مالىمەتتەرگە سايكەس، قازاقستان رەسپۋبليكاسىندا اتى، تەگى جانە اكەسىنىڭ اتى تولىقتاي سايكەس كەلەتىن 520159 ادام تۇرادى، ولاردىڭ سانى 1534815 رەزيدەنتى قۇرايدى»، - دەپ حابارلادى ۆەدومستۆونىڭ باسپا ءسوز قىزمەتىنەن.
ءبىرىنشىسى اتى، تەگى جانە اكەسىنىڭ اتى ساي كەلەتىندەردىڭ جالپى سانىن، ال ەكىنشىسى سونداي ادامداردىڭ سانىن بىلدىرەدى.
سونىمەن قاتار، كوميتەت تەگى مەن اتى بىردەي ادامداردىڭ سانىن دا جاريالادى. ولاردىڭ سانى ەلىمىزدە 9 ميلليوننان اسىپ جىعىلادى. بۇل رەتتە اتالعان ۆەدومستۆو ولاردىڭ كەيبىرىنىڭ اكەلەرىنىڭ اتى جازىلماعاندىعىن اتاپ وتكەن.
