12:21, 13 - تامىز 2018 | GMT +5
الداعى ءۇش كۇندە قازاقستاندا اپتاپ ىستىق بولادى
استانا. قازاقپارات - سينوپتيكتەر 14-16- تامىز كۇندەرىنىڭ اۋا رايى بولجامىن جاريالادى، دەپ حابارلايدى قازاقپارات.
قازگيدرومەتتىڭ مالىمدەۋىنشە، قازاقستاننىڭ وڭتۇستىك جانە وڭتۇستىك-شىعىسىندا جاڭبىردان كەيىن تاعى دا اپتاپ ىستىق بولادى.
يران اۋماعىنان كەلە جاتقان تروپيكالىق اۋا ماسسالارى رەسپۋبليكانىڭ باسقا وڭىرلەرىندە دە اۋا تەمپەراتۋراسىنىڭ كوتەرىلۋىنە سەبەپ بولادى.
رەسەيدىڭ ەۋروپالىق بولىگىنەن جىلجىپ كەلە جاتقان اۋا اعىندارى قازاقستاننىڭ باتىس جانە سولتۇستىك-باتىس وبلىستارىنا، اپتا ورتاسىندا سولتۇستىك جانە ورتالىق وڭىرلەرگە كۇشتى جەل مەن جاۋىن-شاشىن الىپ كەلەدى.
