جۇما كۇنى قازاقستاننىڭ كوپ بولىگىندە جەل كۇشەيىپ، جاڭبىر جاۋادى
ەلىمىزدىڭ كەي جەرلەرىندە جاۋىن-شاشىندى بولادى، سولتۇستىكتىڭ جەكەلەگەن اۋداندارىندا نايزاعايلى نوسەر جاۋادى، ەكپىندى جەلمەن بىرگە داۋىل سوعۋى ىقتيمال. سولتۇستىكتە تۇندە جانە تاڭەرتەڭ كەي جەرلەردە تۇمان كۇتىلەدى.
اقمولا، قىزىلوردا، قوستاناي وبلىستارىنىڭ كەي جەرلەرىندە داۋىل سوعىپ، جەلدىڭ جىلدامدىعى سەكۋندىنا 15-25 مەترگە جەتەدى، كۇندىز بۇرشاق جاۋۋى دا ىقتيمال.
سولتۇستىك قازاقستان وبلىسىنىڭ كەي جەرلەرىندە داۋىل، جەلدىڭ كۇشى 15-20 م/س، كۇندىز بۇرشاق جاۋۋى مۇمكىن، تۇندە جانە تاڭەرتەڭ تۇمان كۇتىلەدى. پاۆلودار، قاراعاندى وبلىستارىنىڭ كەي جەرلەرىندە جەلدىڭ ەكپىنى 15-20 م/س بولادى، كۇندىز بۇرشاق جاۋۋى مۇمكىن.
باتىس قازاقستان وبلىسى، اتىراۋ، ماڭعىستاۋ، تۇركىستان، شىعىس قازاقستان وبلىستارىندا كۇندىز كەي جەرلەردە جەلدىڭ جىلدامدىعى 15-20 م/س جەتەدى.
الماتى، جامبىل، قىزىلوردا، شىعىس قازاقستان، پاۆلودار وبلىستارى، تۇركىستان، قاراعاندى وبلىستارىنىنىڭ كەي جەرلەرىندە اپتاپ ىستىق بولادى.
قىزىلوردا، تۇركىستان وبلىستارى، جامبىل، الماتى، اقتوبە، اتىراۋ، ماڭعىستاۋ، قوستاناي، قاراعاندى وبلىستارىنىڭ كەي جەرلەرىندە جوعارى ءورت قاۋپى ساقتالادى.
