استانادا پيكاسسو تۋىندىلارىنىڭ كورمەسى اشىلدى

استانا. قازاقپارات - استانادا العاش رەت اتاقتى سۋرەتشى پابلو پيكاسسو كورمەسى شىمىلدىعىن ءتۇردى. ۇلتتىق مۋزەيدە ونىڭ تىڭ تۋىندىلارىنان قۇرالعان ەكسپوزيسيا اشىلدى.

كۋبيزم كەسكىندەمەسىنىڭ نەگىزىن قالاۋشى پيكاسسونىڭ جۇمىستارى مازمۇنى جاعىنان وزگەشە. كورمەگە قويىلعان قۇمىرالار مەن تارەلكەلەر، «سەلەستينا» شىعارماسىنا ۇيلەستىرىلىپ جاسالعان گرافيكا سۋرەتشىنى جاڭا قىرىنان تانىتادى. جالپى جەكە ەۋروپالىق توپتاما اراسىنان جۇزگە جۋىق جادىگەر تاريحتان سىر شەرتەدى.

 مادينا سۇلتانوۆا، ونەرتانۋشى، كورمە كۋراتورى:

 - كەراميكادان جاسالعان جۇمىستار دا، گرافيكالىق كارتينالار دا كوزدىڭ جاۋىن الادى. ويتكەنى وسى جادىگەرلەر جاي مۇرا بولىپ قالماي، بەلگىلى يسپان جازۋشىسى ميگەل دە سەرۆانتەستىڭ «دون كيحوت» رومانىنا جاسالعان سۋرەتتەمەمەن پارا- پار دەسەم ارتىق ايتقاندىعىم ەمەس.

www.24.kz