اتىراۋدا قوعامدىق ورىندا شىلىم شەككەن قىز ءۇشىن اناسى جاۋاپقا تارتىلدى

اتىراۋ وبلىسىنىڭ كامەلەتكە تولماعاندار ىستەرى جونىندەگى مامانداندىرىلعان اۋدانارالىق سوتى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 435-بابى بويىنشا ا. ا- عا قاتىستى قوزعالعان اكىمشىلىك قۇقىق بۇزۋشىلىق تۋرالى ءىستى قارادى.
«ءىس بويىنشا ا. ا- نىڭ كامەلەتكە تولماعان 2003 -جىلى تۋعان قىزى ب. ب. قوعامدىق ورىندا، ياعني گەولوگ پوسەلكەسىندە ورنالاسقان اۆتوتۇراقتا تەمەكى شەگىپ، تەمەكىنىڭ قالدىعىن جەرگە تاستاعان. سونداي-اق ول اينالاسىنداعىلاردى سىيلامايتىنىن ءبىلدىرىپ، ۇساق بۇزاقىلىق جاساعان. سوت وتىرىسىندا ا. ا. ءوزىنىڭ كىناسىن مويىنداپ، كامەلەتكە تولماعان قىزىمەن سويلەسەتىنىن ايتتى. الداعى ۋاقىتتا ونداي بۇزاقىلىق قايتالانبايتىنى تۋرالى تۇسىنىك بەردى. كەشىرىم سۇراپ، وكىنىش ءبىلدىردى»، - دەپ حابارلادى وبلىستىق سوتتىڭ باسپا ءسوز قىزمەتىنەن.
ايتا كەتەلىك، كامەلەتكە تولماعان ب. ب. ءوزىنىڭ كىناسىن مويىنداپ، تەمەكى شەگىپ، تەمەكىنىڭ قالدىعىن جەرگە تاستاعانىن راستادى. الداعى ۋاقىتتا قوعامدىق ءتارتىپتى ساقتايتىنىن ايتتى. سونداي-اق، ازاماتشا ا. ا. ق ر ا ق ب ت ك-نىڭ 435-بابىمەن كىنالى دەپ تانىلىپ، وعان 11785 تەڭگە اكىمشىلىك ايىپپۇل سالىندى.