جىگىتكە مىناداي كەلتەحات جىبەرۋشى بولماڭىز
ال سۇيىكتىسىنىڭ كوڭىلىن باعىپ، رەنجىتكىسى كەلمەيتىن قىزدارعا كەڭەس: جىگىتىڭىزگە مىناداي CMC-تەر جىبەرۋشى بولماڭىز:
«مەنى سۇيەسىڭ بە؟» بەلگىلى نارسەنى سۇراپ نە ىستەيسىز؟ ايتىلماعان سوزدەردى جىگىتتەن CMC- پەن تارتىپ شىعارۋ - جاقسى وي ەمەس. ال ەگەر ول جاۋاپ بەرمەسە، بۇنى قايتا سۇراۋعا باتىلىڭىز بارا ما؟ سونداي-اق جىگىتتەر ءۇشىن تەلەفون - كۇندەلىكتى قاراپايىم بايلانىس قۇرالى. ولار قىزدار سياقتى تەلەفونىنا سۋرەتتەر جيناپ، ادەمى CMC جازىپ، ومىرلىك ماڭىزى بار ماسەلەلەردى شەشپەيدى. سوندىقتان بۇل سۇراعىڭىزعا قاناعاتتانارلىق جاۋاپ الامىن دەپ كۇتپەڭىز.
«وتىرىس قالاي ءوتىپ جاتىر؟ نە قىزىق بار؟» جىگىتىڭىزگە سيرەك بولسا دا، دەمالىس بەرىپ تۇرىڭىز! دوستارىنىڭ اراسىندا سىزگە ءار مينۋت سايىن قوڭىراۋ سوقپاي، ۋاقىتىن كوڭىلدى وتكىزۋگە مۇمكىندىك بەرىڭىز. بۇنداي سۇراقتارعا تاپ بولعان جىگىت، ءسىزدىڭ وعان سەنبەيتىڭىزدى سەزىپ، كەلەسى جولى دوستارىمەن جينالعاندا، باسقا شارۋالارمەن كەتتىم دەپ وتىرىك ايتا سالادى.
«ماعان ەندى CMC جازۋشى بولما! ءبارى دە ءبىتتى!» قۇرامىندا «ەشقاشان» ءسوزى بار CMC- تەردى ەشقاشان جىبەرمەڭىز! اشۋ ۇستىندە جازىلعان سوزدەر ءسىزدىڭ ناقتى ويىڭىزدى جەتكىزە المايدى. ادامنىڭ كوزىنە تىك قاراماستان، قانشاما اۋىر تيەتىن ءسوز ايتىپ تاستاۋعا بولادى. سوندىقتان ۇرسىسقىڭىز كەلسە - بەتپە-بەت ۇرسىسىڭىز. باسقا جاعدايدا جانىڭىزعا جاقىن ادامنان ءبىر ساتتە تۇسىنىسپەۋشىلىك ۇستىندە ايىرىلىپ قالا الاسىز.
«كىمدى كورگەنىمدى ەستىسەڭ، سەنبەيسىڭ!» جىگىتتەر وسەككە قۇمار ەمەس دەپ كىم ايتتى! الايدا ولار وسەك اڭگىمەلەردى تەك جىگىتتەر اراسىندا اشىق ايتادى. ءبىزدىڭ كوزىمىزشە ولار بوس ءسوزدى ۇناتپايتىن، بايسالدى بولىپ كورىنگىسى كەلەدى.
سوندىقتان بۇنداي CMC-كە ول جاۋاپ بەرسە دە، ءسىزدىڭ وسەككە قۇمار ەكەنىڭىزدى بايقاپ قويادى. «مەن كەلىسەمىن!» جىگىتتىڭ ۇسىنىسىنا جاۋاپ پەن ماڭىزدى شەشىمىڭىزدى CMC- پەن جازۋ ءتىپتى دۇرىس ەمەس. بۇنداي ساتتەردە جىگىتىڭىزدىڭ قاسىندا بولعانىن قالامايسىز با؟ سوندىقتان كىشكەنە بولسا دا شىداپ، تىرىدەي اڭگىمەنىڭ اسەرىنەن قۇر قالماڭىز. «مح»، «)»، «احا» سىندى ماعىناسى دا، ءمانى جوق CMC- تەر جازۋ ادەتكە اينالدى ما؟
ارينە قازىرگى تەحنولوگيالار دامىعان زاماندا، كۇندەلىكتى CMC، ەلەكتروندى پوشتا، اگەنتپەن ارالاساتىن كەزدە قىسقارتىلعان سوزدەر مەن قاتەلەرگە ەشكىم نازار اۋدارمايدى.
الايدا سۇيىكتىڭىزدىڭ كوڭىلىنەن شىعامىن دەسەڭىز، ماعىناسىز «حي- حي، ااا» سىندى سوزدەردىڭ ورنىنا، جيناقتالعان ويى، بەلگىلى ءبىر اقپاراتتىق ماعىناسى بار، كوڭىلىڭىز مەن كوزقاراسىڭىزدى اشىپ كورسەتەتىن ءبىر ادەمى CMC جازعان دۇرىس. تاعى قانداي ورىنسىز CMC- تەر جىبەرگەنسىز/العانسىز؟
Massaget.kz
