ماحاببات ەسكىرمەسىن دەسەڭىز

 استانا. قازاقپارات - جۇبايلار بار اڭگىمەسى تاۋسىلعان، ال ماحاببات - تاۋسىلمايتىن اڭگىمە! جاستار سەزىمىنىڭ قاسيەتتى كىتابىنا اينالعان «ماحاببات، قىزىق مول جىلدار» رومانىنىڭ باستى كەيىپكەرى مەڭتايدىڭ اپاسى «ماحاببات مۇراتى -  تۇراقتىلىق» دەيدى.

بار ءومىرىڭدى ارنايتىن ادامنىڭ ءوزىن تاڭداي ءبىلۋ كەرەك دەگەن ءسوز بار. ال سول ادامعا، الاۋ سەزىمگە ادالدىق ساقتاپ، ءوشىرىپ الماۋ ودان قيىن بولماسا، وڭاي ەمەس. ەكەۋگە ورتاق الەمدى ءۇشىنشى بىرەۋ ۇعا الماس. دەسە دە، تومەندەگى كەڭەستەردىڭ ومىرلىك سەرىگىڭىزبەن ءبىر جاستىقتا قارتايۋعا جەتەلەمەسە، كەدەرگى كەلتىرمەسى انىق.

 1. بىرگە جەتىلىڭىز ايتۋعا وڭاي كورىنگەنىمەن، ىسكە كەلگەندە ازداپ قيىنعا سوعادى. ماقساتىڭىزدى ونىمەن ءبولىسىڭىز، جوسپارىڭىزدى تالقىلاڭىز، قۇپياڭىزدى ىشتە ساقتاماڭىز. وزگەرىستەرگە بىرگە دايىن بولىڭىزدار. ونىڭ ويلاپ جۇرگەن جوسپارلارىن سۇراڭىز، قىزىعۋشىلىقپەن تىڭداڭىز. ءوز ويىڭىزدى ايتىپ، كومەگىڭىزدى ۇسىنىڭىز.

 2. ەستەلىكتەرمەن جۇمىس ىستەڭىز ءبىر- بىرىڭىزبەن ءجيى سويلەسۋگە تىرىسىڭىزدار. وتكەن شاقتىڭ ەستەلىكتەرىن ءجيى ەسكە الىڭىزدار. ەكەۋىڭىز دە جاقسى كورەتىن بەلسەندى ارەكەتتى جوسپارلاڭىز.

 3. توسىنسىي ۇيىمداستىرىپ تۇرىڭىز سىيلىقتى كوپ ادام جاقسى كورەدى. كەز كەلگەن كىشكەنتاي سىيلىق ءاردايىم قۋانىش سىيلايدى. جانعا جاعىمدى سوزدەرى بار حات جازىپ تۇرىڭىز.

 4. ءبىر- بىرىڭىزگە العىس ايتا ءبىلىڭىز ونىڭ ساعان قانشالىقتى ۇنايتىنىن، ونىڭ قانداي كەرەمەت ادام ەكەنىن ايتىپ، سەزىمىڭىزدى ءبىلدىرىپ تۇرىڭىز. كەز كەلگەن ۇساق- تۇيەككە اشۋلانا بەرمەڭىز. ءمىنسىز ادام بولمايدى.

 5. ءبىر- بىرىڭىزگە جاقىنداڭىز ونى كورگەندە بەتىنەن ءسۇيىڭىز، كوزىنە قاراڭىز جانە قولىنان ۇستاڭىز. ءوز سەزىمىڭىزدى اشىق ءبىلدىرىڭىز.

 6. ينتەرنەتتەن شىعىڭىز بوس ۋاقىتتا ۇيالى تەلەفونعا تەلمىرىپ وتىرۋدىڭ ورنىنا اڭگىمە- دۇكەن قۇرۋعا شاقىرىڭىز. ايتپەسە، ەشقانداي جاقىندىق بولمايدى، تەك كورىنىپ وتىراسىز. گادجەتتەردى دەمالىس، تاماقتانۋ كەزىندە جانە كەشكىلىك ۋاقىتتا قولدانباڭىز. اراقاتىناسىڭىزعا بولماشى نارسەلەردىڭ كەدەرگى كەلتىرۋىنە جول بەرمەڭىز.

Massaget.kz