ەرتەڭ قازاقستاندىق مۇسىلماندار قاجىلىق ساپارعا اتتانادى
وتىرىسقا قازاقستان مۇسىلماندارى ءدىني باسقارماسىنىڭ باسشىلىعى جانە مۇددەلى مەملەكەتتىك ورگانداردىڭ وكىلدەرى، سونداي- اق «Scat» جانە «Fly Nas» اۋەكومپانياسىنىڭ وكىلدەرى قاتىستى.
كەزدەسۋ بارىسىندا قاجىلىق ماۋسىمىندا قازاقستاندىق ازاماتتاردىڭ قاجىلىققا بارۋ جانە كەلۋ ءتارتىبى پىسىقتالدى، قاجىلاردى تاسىمالدايتىن اۋەكومپانيالاردىڭ دايارلىعى، سونىڭ ىشىندە ۇشاقتاردىڭ ۋاقتىلى ۇشۋىن قامتاماسىز ەتۋ، سونداي- اق مىندەتتى ەكپە ەگۋ (ۆاكتسيناتسيا) ءراسىمى مەن ۆيزا الۋ ماسەلەلەرى تالقىلاندى.
دارحان كالەتايەۆ قازاقستان ازاماتتارىنىڭ زاڭدى مۇددەلەرى مەن قاۋىپسىزدىگىن ۇيىمداستىرۋ جانە قاجىلىق كەزىندە قاجىلىققا بارعاندار ءۇشىن قولايلى جاعدايلار جاساۋ بويىنشا ءتيىستى شارالاردى قابىلداۋ قاجەتتىلىگىنە باسا نازار اۋداردى.
قازاقستان مۇسىلماندارى ءدىني باسقارماسى ساۋد ارابياسى كورولدىگىنىڭ قاجىلىق ىستەرى جونىندەگى مينيسترلىگىمەن جىل سايىن كەلىسىم جاساسىپ، سونىڭ نەگىزىندە بيىلعى جىلى 3 مىڭ ادامعا كۆوتا ءبولىندى.
ءمينيستردىڭ ايتۋىنشا، قاجىلىقتى قاداعالاۋ مەن ۇيىمداستىرۋ ءۇشىن مينيسترلىك تاراپىنان ق م د ب- مەن بىرگە 14 ادامنان تۇراتىن قاجىلىق ميسسيا قۇرىلدى: ق م د ب - 7 وكىل، ب ا ق - 3 وكىل، ق ر دەنساۋلىق ساقتاۋ مينيسترلىگىنەن 2 مەديتسينا قىزمەتكەرى جانە قر قوعامدىق دامۋ مينيسترلىگىنىڭ - 2 وكىل.
ق م د ب- نىڭ مالىمەتى بويىنشا بارلىق قاجىلىققا اتتانۋشىلار قاجىلىقتى ۇيىمداستىرۋعا قاتىسقان 18 قازاقستاندىق تۋريستىك كومپانياعا بەكىتىلدى.
قازاقستان مەن ساۋد ارابياسىنىڭ اۋەكومپانيالارى 50/50 ۇلەس ارقىلى ۇشۋدى ۇيىمداستىرادى. ساۋد ارابياسى تاراپىنان قازاقستاندىقتاردىڭ قاجىلىققا ۇشىپ بارۋىن ۇيىمداستىرۋ ءۇشىن «Fly Nas» اۋەكومپانياسى بەلگىلەندى. قازاقستان تاراپىنان وتكەن جىلدان بەرى ق ر قوعامدىق دامۋ مينيسترلىگىنىڭ قولداۋىمەن قاجىلىققا اتتانعانداردى تاسىمالداۋ بويىنشا قىزمەت كورسەتۋدى «SCAT» اۋەكومپانياسى جۇزەگە اسىرادى.
قاجىلىق پارىزىن وتەيتىن قازاقستاندىقتار ساۋد ارابياسىنا 9-15 - تامىز ارالىعىندا بارىپ، 1 - قىركۇيەككە دەيىن ەلگە ورالادى.
اتالعان وتىرىستا قاجىلىققا اتتاناتىن قازاقستاندىقتارعا ەكپە ەگۋ ماسەلەلەرىنە ەرەكشە نازار اۋدارىلدى. وسى جىلى قازاقستاننىڭ 5 قالاسىنىڭ 8 مەديتسينالىق ورتالىعىندا ءبىر ۋاقىتتا ەكپە ەگۋ ءراسىمى (ۆاكسينالاۋ) جۇرگىزىلەتىن بولادى. قاجىلىققا باراتىندار ءۇشىن ەكپە باعاسى 28 مىڭ تەڭگەنى قۇرايدى.
قوعامدىق دامۋ مينيسترلىگى 2017 -جىلى ءدىني تۋريزم سالاسىندا تۋروپەراتورلىق قىزمەتتى جۇزەگە اسىرۋ قاعيدالارى بەكىتكەنىن ايتا كەتكەن ءجون.
اتالعان قاعيدالار قازاقستان رەسپۋبليكاسى ازاماتتارىنىڭ قاجىلىققا بارۋىن ۇيىمداستىرۋ پروتسەستەرىن رەتتەۋدى قامتاماسىز ەتەدى. سونىمەن بىرگە، اتالمىش قۇقىقتىق اكتىنى ەنگىزۋ قاجىلىق پارىزىن وتەپ جاتقان قازاقستان ازاماتتارىنىڭ دەسترۋكتيۆتى ءدىني يدەولوگيانىڭ ىقپالىنا تۇسپەۋىنە مۇمكىندىك بەرەدى.
وتىرىس قورىتىندىسى بويىنشا جاۋاپتى ورگاندارعا قاجىلىققا بارۋ بويىنشا بارلىق ۇيىمداستىرۋشىلىق ماسەلەلەردى شەشۋ جونىندە ۇسىنىمدار بەرىلدى.
