جاقىن كۇندەرى قازاقستاندا كۇن سۋىتادى

  استانا. قازاقپارات - جاقىن كۇندەرى قازاقستاننىڭ ءبىرقاتار وڭىرلەرىندە اۋا تەمپەراتۋراسى كۇرت تومەندەپ، كۇن سۋىتۋى مۇمكىن، دەپ حابارلادى «قازگيدرومەت» ر م ك - نىڭ باسپا ءسوز قىزمەتى.

2018 -جىلدىڭ 9-11 - تامىز ارالىعىندا قازاقستاننىڭ سولتۇستىگىندە سۋىقتىڭ كەزەكتى تولقىنى وتەدى دەپ كۇتىلەدى.

كارسك تەڭىزى اۋداندارىنان كەلەتىن سۋىق ىلعالدى اركتيكالىق اۋانىڭ سالدارىنان قازاقستاننىڭ سولتۇستىگى مەن ورتالىعىندا، سونداي- اق شىعىس وڭىرلەرىندە جاڭبىر جاۋۋى مۇمكىن.

ەلىمىزدىڭ كەي وڭىرلەرىندە قاتتى كۇن كۇركىرەپ، ەكپىندى جەل سوعىپ، بۇرشاق ءتۇسۋى مۇمكىن دەپ بولجانۋدا. 9-11 - تامىز ارالىعىندا سولتۇستىك، ورتالىق اۋدانداردا تەمپەراتۋرا تۇندە 7-17 دەيىن، كۇندىز 15-23 گرادۋسقا دەيىن تومەندەيدى.

ال، قالعان ايماقتاردا اۋا تەمپەراتۋراسى بۇرىنعىداي قالىپتى نورمانى ساقتاپ تۇرادى. دەگەنمەن، كەي جەرلەردە كۇن كۇركىرەپ، جاڭبىر جاۋادى.

11 - تامىزدا قازاقستاننىڭ وڭتۇستىگىندە قاتتى جەل سوعىپ، ارتى شاڭدى داۋىل مەن بۇرشاققا ۇلاسۋى مۇمكىن.