جانى اشىعان ايەل تانىمال مۋزىكانتتى قاڭعىباس دەپ ويلاپ، اقشا ۇسىنعان

  استانا. قازاقپارات - ا ق ش تۇرعىنى تانىمال ءانشى كيت ۋرباندى ءۇيسىز قاڭقىباس دەپ ويلاپ قالىپ، ونىڭ تاماعىنىڭ اقشاسىن تولەپ بەرمەكشى بولدى.

بۇل تۋرالى Associated Press حابارلادى، دەپ جازادى Stan.kz.

رۋت ريد ەسىمدى امەريكالىق ايەل ا ق ش- تىڭ نيۋ- دجەرسي شتاتىنداعى كامدەن قالاسىندا كومەككە «مۇقتاج» ادامدى كورگەنىن ايتتى. ول كەزەكتە تۇرعان ەر ادامنىڭ تۇسكى اس الۋعا اقشاسىنىڭ جەتپەي قالعانىن كوردى. ونىڭ جاعدايىن كورگەن ايەل الدىندا تۇرعان ەر ادامعا كومەككە كەلىپ، تۇسكى استىڭ اقشاسىن تولەپ بەرمەكشى بولدى.

سوندا ەر ادام وزىنە كومەككە كەلگەن ايەلگە العىسىن ءبىلدىرىپ، ەسىمىنىڭ كيت ەكەنىن ايتقان. امەريكالىق ايەل ەر ادامعا قاراپ، ونى تانىمال مۋزىكانت كيت ۋربانعا قاتتى ۇقساتقان. ءبىراق، ايەل كومەككە مۇقتاج بولعان ادامدى انشىگە قانشا ۇقساتسا دا، ونى كيت ۋربان دەپ مۇلدە ويلامادى. دەگەنمەن، ريد قاڭعىباس دەپ ويلاپ قالعان ەر ادام شىنىمەن دە ول ۇقساتقان تانىمال مۋزىكانت بولىپ شىقتى.

«ونىڭ كيت ۋربان ەكەنىنە كوزىم جەتكەندە، ءوزىمنىڭ اقىماق ادام سەكىلدى كورىنگەنىمدى ءتۇسىندىم» ، - دەدى ريد.

دەگەنمەن، ول سوعان قاراماستان ءانشىنىڭ كۇزەتشىسىنە بارىپ، ونىڭ تانىمال ءانشى كيت ۋربان ەكەنىنە كوز جەتكىزگەن.