استانادا «قازاقپارات» جانە اۋعانستاننىڭ اقپارات اگەنتتىگى مەموراندۋمعا قول قويدى
قۇجاتقا بۇگىن قازاقستاندىق اقپارات اگەنتتىگىنىڭ كەڭسەسىندە «قازاقپارات» ح ا ا باس ديرەكتورى اسقار ۋماروۆ جانە Ufuq News Agency پرەزيدەنتى موحامماد ماحدي نۋري قول قويدى.
«ءبىز سىزدەرمەن ىنتىماقتاستىق جاساۋعا دايىنبىز. ەكى ەلدىڭ گۇلدەنۋى ءۇشىن ءبىر- بىرىمىزگە پايدامىزدى تيگىزە الامىز»، - دەدى موحامماد ماحدي نۋري قول قويۋ راسىمىنەن كەيىن.
«قازاقپارات» ح ا ا باس ديرەكتورى دا اگەنتتىكتەر اراسىنداعى ىنتىماقتاستىق بارىنشا ءتيىمدى بولاتىنىنا سەنىم ءبىلدىردى.
«ءبىر- بىرىمىزگە كوبىرەك اقپارات بەرۋگە ءتيىسپىز، ويتكەنى ءبىر وڭىردەمىز»، - دەپ اتاپ ءوتتى اسقار ۋماروۆ.
مەموراندۋم اقپارات الماسۋ سالاسىنداعى ىنتىماقتاستىقتى نىعايتۋ ماقساتىن كوزدەيدى. اتاپ ايتقاندا، تاراپتار ەلدەردىڭ ىشكى جانە حالىقارالىق ومىرىندەگى وزەكتى وقيعالار تۋرالى جەدەل ءارى سەنىمدى اقپاراتتىق ماتەريالدار الماسۋعا كەلىستى.
«قازاقپارات» ح ا ا بۇعان دەيىن وتىزدان استام اگەنتتىكپەن وسىنداي مەموراندۋم جاساسقان. ولاردىڭ اراسىندا: ت ا س س (رەسەي)، «ازەرتادج» (ازەربايدجان)، «انادولۋ» (تۇركيا)، «بەلتا» (بەلارۋس)، IRNA (يران)، «كابار» (قىرعىزستان)، Yonhap (وڭتۇستىك كورەيا)، ءو ز ا (وزبەكستان)، ارمەنپرەسس (ارمەنيا)، «حوۆار» (تاجىكستان)، تاعى باسقا اگەنتتىكتەر بار.
