قازاقستاندىقتار ەتتى كوبىرەك تۇتىنا باستادى
بۇل كورسەتكىش الدىڭعى توقسانمەن سالىستىرعاندا 0,8 پايىز ارتىق، ال جىلدىق ءوسىم 6,7 پايىز بولىپ وتىر.
قالالاردا ەت جانە ەت ونىمدەرىن تۇتىنۋدىڭ جان باسىنا شاققانداعى كورسەتكىشى 19,9 كيلوگرامدى، ال اۋىلدىق جەرلەردە 18,8 كيلوگرامدى قۇراعان.
ەڭ كوپ سۇرانىسقا يە ەت ءتۇرى - سيىر ەتى. ونى ءبىر توقساندا ءاربىر ادام ورتاشا 6,4 كەلى تۇتىنعان. كەيىنگى ورىنداردا جىلقى ەتى (1,5 كەلى) مەن قوي ەتى (1,2 كەلى) تۇر.
قالالىق جەرلەردە تۇتىنۋ كورسەتكىشى جاعىنان سيىر ەتى باسىمدىققا يە. ونىڭ جان باسىنا شاققانداعى ورتاشا تۇتىنۋ كورسەتكىشى - 6,5 كەلى. كەيىنگى ورىنداردا جىلقى ەتى - 1,5 كەلى جانە تاۋىق ەتى - 1,3 كەلى.
اۋىلدىق جەرلەردە سيىر ەتىنىڭ جان باسىنا شاققانداعى تۇتىنۋ كورسەتكىشى 6,4 كەلى. اۋىل ادامى، بۇدان تىس، ءبىر توقساندا ورتاشا 2 كەلى قوي ەتى مەن 1,6 -جىلقى ەتىن تۇتىنادى.
ەڭ قىمبات جىلقى ەتى باعاسىنىڭ شارىقتاۋ شەگى 2018-جىلدىڭ شىلدەسىندە بايقالىپ، ونىڭ 1 كيلوگرامى ورتاشا 1666 تەڭگە بولدى.
ودان كەيىنگى ورىنداردا سيىر ەتى - 1500,7 تەڭگە جانە قوي ەتى - 1429,9 تەڭگە تۇر.
دەگەنمەن جىلدىق باعانىڭ ەڭ جوعارى ءوسۋ قارقىنى شوشقا ەتىندە بايقالدى. ونىڭ 1 كەلى ەتىنىڭ باعاسى ءبىر جىلدا 8 پايىز- عا قىمباتتاپ، 1287,8 تەڭگەدەن ءبىر-اق شىققان. كەيىنگى ورىنداردا 7,9 پايىز قىمباتتاعان سيىر ەتى مەن 7,8 پايىز كورسەتكىشىمەن جىلقى ەتى تۇر.
