بالۋان شولاقتىڭ شوبەرەسى كوكشەتاۋعا كەلدى
وعان اتاقتى بالۋاننىڭ شوبەرەسى شايدوللا شولاقوۆ قاتىستى. بۇل تۋرالى قازاقپارات ءتىلشىسى اقمولا وبلىسىنىڭ دەنە شىنىقتىرۋ جانە سپورت باسقارماسىنىڭ باسپا ءسوز حاتشىسى ماحاببات بولشيناعا سىلتەمە جاساپ حابارلايدى.
باسقارما تاراتقان اقپاراتقا قاراعاندا، وتكەن جىلى ۇلتتىق سپورت تۇرلەرى بويىنشا اقمولا وبلىستىق بالالار مەن جاس وسپىرىمدەردىڭ سپورت مەكتەبىنە بالۋان شولاقتىڭ ەسىمى بەرىلگەن ەكەن.
«الىپ ونەرپاز بالۋان شولاق» اتتى عىلىمي- پراكتيكالىق كونفەرەنتسياعا ادەبيەت پەن ونەر سالاسىنىڭ، قوعام قايراتكەرلەرى، سازگەرلەر جانە ب ا ق وكىلدەرى قاتىستى.
كونفەرەنتسيادا تاريحشى عالىمدار قازاقتىڭ اتاقتى حالىق ءانشى-كومپوزيتورى، ايتىسكەر- اقىن، ات ءۇستى ويىنىنىڭ ءتۇرلى تاسىلدەرىن مەڭگەرگەن ەرەكشە ونەرپاز، كۇش ونەرىن كورسەتكەن سپورتشى، جاۋىرىنى جەرگە تيمەگەن بالۋاننىڭ جەتىستىكتەرى مەن ءومىرجولىنداعى قىزىقتى وقيعالار تۋرالى ءسوز قوزعادى.
«ءوز ەلىمىزدىڭ تاريحىن ءبىلۋ، ونىڭ ىشىندە ۇلى تۇلعالاردىڭ ەسىمىن دارىپتەۋ بارشامىزدىڭ پارىزىمىز. اسىرەسە، حالقىمىزدىڭ ماقتانىشىنا اينالعان بالۋان شولاقتىڭ انشىلىك-اقىندىق مۇراسىن ناسيحاتتاۋ، ونىڭ سپورتتاعى جەتىستىكتەرى ەلىمىزدىڭ كەلەشەك جاستارىن تاربيەلەۋدە ماڭىزى زور»، - دەپ اتاپ ءوتتى اقمولا وبلىسىنىڭ دەنە شىنىقتىرۋ جانە سپورت باسقارماسىنىڭ باسشىسى اسەت بۇكىبايەۆ.
ايتا كەتەيىك، كوكشەتاۋدىڭ ىرگەسىندەگى كراسنويار كەنتىندەگى بالۋان شولاق اتىنداعى سپورت مەكتەبىندە كوكپار، اۋدارىسپاق، تەڭگە الۋ جانە جامبى اتۋ سياقتى ۇلتتىق سپورت تۇرلەرىنەن ەل چەمپيوناتى وتۋدە. جارىسقا ەلىمىزدىڭ ءار وڭىرىنەن كەلگەن 200 جۋىق سپورتشى قاتىسۋدا.
