بۇگىن قازاقستاننىڭ باسىم بولىگىندە كۇن قۇبىلمالى بولادى

استانا. قازاقپارات - بۇگىن اتموسفەرالىق فرونتتاردىڭ وتۋىنە بايلانىستى رەسپۋبليكانىڭ باسىم بولىگىندە قۇبىلمالى اۋا رايى ساقتالادى، كەي جەرلەردە نايزاعاي ويناپ، جاڭبىر جاۋادى، جەل كۇشەيەدى.

وڭتۇستىكتە كەي جەرلەردە داۋىل تۇرىپ، تۇندە جانە تاڭەرتەڭ ەلدىڭ سولتۇستىگىندە جانە ورتالىعىندا تۇمان بولادى.

بۇل تۋرالى ق ر ءى ءى م ت ج ك باسپا ءسوز قىزمەتى حابارلايدى.

قوستاناي، پاۆلودار، سولتۇستىك قازاقستان، كۇندىز جامبىل، تۇركىستان، قاراعاندى، شىعىس قازاقستان وبلىستارىنىڭ كەي جەرلەرىندە جەلدىڭ جىلدامدىعى 15-20 م/س- عا دەيىن كۇشەيەدى.

قاراعاندى جانە سولتۇستىك قازاقستان وبلىستارىندا تۇندە جانە تاڭەرتەڭ كەي جەرلەردە تۇمان بولادى.

قىزىلوردا وبلىسىنىڭ كەي جەرلەرىندە شاڭدى داۋىل تۇرادى، جەلدىڭ جىلدامدىعى 15-20 م/س- عا دەيىن كۇشەيەدى. ماڭعىستاۋ وبلىسىنىڭ كەي جەرلەرىندە تۇمان بولادى.

الماتى، جامبىل،  قىزىلوردا، اتىراۋ، باتىس قازاقستان، اقتوبە وبلىستارىندا، تۇركىستان، ماڭعىستاۋ، قوستاناي وبلىستارىنىڭ كەي جەرلەرىندە قاتتى ىستىق بولادى.

قىزىلوردا وبلىسىندا، تۇركىستان، اقتوبە، اتىراۋ، باتىس قازاقستان، ماڭعىستاۋ، قوستاناي، قاراعاندى، جامبىل، الماتى وبلىستارىنىڭ كەي جەرلەرىندە جوعارى ءورت قاۋپى ساقتالادى.