ساباننان جاسالعان ءتيىن ارت- ينستاللياتسياسى الىنىپ تاستالدى
بۇگىن ءبىرقاتار ب ا ق تا بەلگىسىز بىرەۋلەر ءتيىندى ءسۇرىپ تاستادى دەگەن اقپارات تاراتقان.
«قاسكەلەڭ» اگورپاركىنىڭ مامانى رينات فازىلبەكوۆتىڭ ايتۋىنشا، ارت- ينستاللياتسيانى جاساۋشىلاردىڭ وزدەرى بۇزعان.
«اۋا رايىنىڭ قۇبىلۋىنا بايلانىستى ءتيىندى ءبىز ءوزىمىز الىپ تاستادىق. سەبەبى، ارت- ينستالياتسيا ەستەتيكالىق كەلبەتىن جوعالتا باستادى. بالكىم ماركەتينگ ماقساتىندا تاعى ءبىر ينستاللياتسيا ويلاپ تابارمىز. نەگىزى ونى ءبىز ءبىر كۇنگە عانا ارناپ جاساعانبىز. ينستاللياتسيا 1 اي تۇردى. جەل سوققان سايىن ءتيىننىڭ شوپتەرى ۇشا باستادى. ءبىز مۇنى اگروپارككە ەلدىڭ نازارىن اۋدارۋ ءۇشىن جۇزەگە اسىردىق» ، - دەدى رينات فازىلبەكوۆ.
ونىڭ ايتۋىنشا، Funk اگەنتتىگىنىڭ وكىلى مايرا يزمايلوۆانىڭ تاراپىنان نارازىلىق پىكىرى بولماعان.
اگروپارك نەگىزىنەن ءوزى شىعارىپ جاتقان ونىمدەرىنە قوعام نازارىن اۋدارتپاق بولعان.
ەسكە سالا كەتەيىك، الماتى وبلىسىندا سابان شوپتەن جاسالعان ءتيىن پايدا بولعانى تۋرالى جازعان بولاتىنبىز. ونى سالۋعا ەشقانداي قارجى جۇمسالعان جوق.
